Aðgengi og notkun GPS gagna
GPS gögn sem safnað er í ISGPS verkefninu eru öllum heimil til afnota.
Jarðeðlissvið VÍ óskar þess þó að fá upplýsingar um hverjir eru að nota gögnin og
í hvaða tilgangi. Það er m.a. til að styrkja kerfið, þar sem breiður notendahópur
eflir tilvistarétt kerfisins. Aðgangur er einnig takmarkaður til að tryggja
samskipti notenda gagnanna og umsjónarmanna kerfisins í þeim tilgangi að villur
sem kunna að leynast í gögnunum uppgötvist svo og að notendum séu kunnar
takmarkanir gagnanna. Ennfremur er Jarðeðlissvið VÍ ekki einkahandhafi allra gagna
sem finna má í skráarsafninu.
Aðgengi að skráarsöfnum hefur verið takmarkað við númer (IP tölur) þekktra notenda.
Óskir þú eftir að gerast notandi gagnasafns ISGPS kerfisins skal senda tölvupóst
til umsjónarmanns ISGPS kerfisins
(Benedikt Gunnar Ofeigsson (gps@vedur.is))
þar sem fram komi:
- Nafn
- Stofnun eða fyrirtæki (ef við á)
- Númer (IP tala) tölvu sem nota á til að sækja gögnin
- Tilgangur með notkun á gögnunum (t.d. leiðrétting við kortlagningu). Ef gögnin eru
notuð í ákveðnu rannsóknarverkefni er æskilegt að tilgreina það.
- Hvaða gögnum er óskað eftir (stöðvar, tímabil, form gagna)
Umsjónarmaður mun aðstoða eftir getu ef upplýsingar (t.d. IP tölu) vantar.
Einnig má í stað tölvupósts senda skriflega beiðni á:
Veðurstofa Íslands
Benedikt Gunnar Ofeigsson
Bústaðavegi 9
150 Reykjavík
Benedikt Gunnar Ofeigsson (gps@vedur.is).