Samfelldar GPS mælingar á Íslandi
Nú eru samfelldar GPS mælingar hafnar á Íslandi.
Skammstöfunin GPS stendur fyrir Global Positioning System sem
er kerfi gervitungla á braut um jörðu, sem rekið er af bandaríska
hernum.
Á þessari síðu verður hægt að fylgjast með helstu niðurstöðum
mælinga og einnig hægt að nálgast gögn frá GPS stöðvum í netinu.
Þessar mælingar eru samvinnuverkefni milli
Veðurstofu Íslands ,
Norrænu Eldfjallastöðvarinnar
og Raunvísindastofnunar Háskólans.
Vegna jarðskjálftahrina á Hengilssvæðinu í júní og Ölfusi í
nóvember 1998 þótti ástæða til að fylgjast grannt með jarðskorpuhreyfingum
á þessu svæði.
Fjármagn til tækjakaupa fékkst frá Hitaveitu Reykjavíkur,
og Íslenska Ríkinu.
Keypt voru fjögur Trimble 4700 tæki, sem skrá merki á
bæði L1 og L2 tíðnisviði.
Loftnetin sem taka við merkjunum eru Trimble Choke Ring loftnet,
sem eiga að tryggja sem mesta mælinákvæmni.
Merkið er sent úr viðtækinu í PC tölvu sem safnar
gögnum í sólarhrings langar skrár. Náð er í gögnin
af stöðvunum í gegnum síma einu sinni á sólarhring.
GPS stöðvarnar eru í Hlíðardalsskóla (HLID),
Hveragerði (HVER), Vogsósum (VOGS)
og Ölkelduhálsi (OLKE).
Settar hafa verið upp þrjár GPS stöðvar til samfelldra mælinga
í nágrenni Mýrdals- og Eyjafjallajökuls, vegnar aukinna
jarðhræringar á svæðinu sem hófust í júlí 1999.
Notuð eru Trimble 4000SSI tæki og Trimble Choke Ring loftnet
við mælingarnar. Fjármagn til tækjakaupa fékkst frá Rannsóknarráði
Íslands.
Búið er að setja upp GPS stöðvar á Sólheimaheiði (SOHO) ,
Lágu-Hvolum (HVOL) og á Þorvaldseyri (THEY).
Stöðin í Vestmannaeyjum (VMEY)
hóf mælingar 27. júlí, 2000. Mælingarnar eru gerðar með
Trimble 4000SSI tæki og Trimble Choke Ring loftneti.
Skrokkalda
Stöðin á Skrokköldu (SKRO) á Sprengisandi
hóf mælingar 21. september, 2000. Stöðin er rekin í samvinnu við
Háskólann í Savoie, Frakklandi.
Mælingar eru gerðar með Ashtech Z-12 CGRS tæki og Ashtech loftneti.
Í kjölfar jarðskjálftanna á Suðurlandsundirlendinu sumarið 2000,
hefur verið sett upp stöð til samfelldra GPS mælinga við Kiðjaberg (KIDJ)
Mælingarnar eru gerðar með
Trimble 4700 tæki og Trimble Choke Ring loftneti.
Stöðin á Raufarhöfn (RHOF)
hóf mælingar 20. júlí 2001. Stöðin er rekin í samvinnu við
Háskólann í Savoie, Frakklandi.
Mælingar eru gerðar með Ashtech/Martec tækjabúnaði.
Til baka á heimasíðu GPS mælinga
Benedikt Gunnar Ofeigsson (gps@vedur.is).