 |
Veðurstofa Íslands
Jarðeðlissvið |
|---|
Upptök jarðskjálfta undir Eyjafjallajökli
Á kortunum hér fyrir neðan eru sýnd upptök jarðskjálfta undir Eyjafjallajökli fyrir mismunandi tímabil frá 01.11. 1998 til 14.12. 1999. Á öllum kortunum tákna rauðir fylltir hringir upptök jarðskjálfta. Svartur fylltur þríhyrningur sýnir SIL jarðskjálftamælistöðina á Mið-Mörk og svört lína með broddum táknar toppgíginn (öskjuna) á Eyjafjallajökli. Á kortunum eru sýndar 100 m hæðarlínur og vegir eru sýndir með mjóum gráum línum. Hæðarlínur eru ekki nákvæmar og einnig sést ekki Holtsósinn sunnan við Steinafjall.
![[01.11.98 - 30.06.99]](./eyj9811-9906.gif)
Kortið hér að ofan sýnir upptök jarðskjálfta á tímabilinu 01.11.98 - 30.06.99. Á þessu tímabili voru flestir jarðskjálftanna undir Steinsholti og Steinsholtsjökli. Stærsti skjálftinn á þessu tímabili og einnig síðustu ára var þann 1. mars kl. 13:44, M=3.6.
![[01.07.99 - 30.09.99]](./eyj9907-9909.gif)
Upptök jarðskjálfta á tímabilinu 01.07.99 - 30.09.99. Í byrjun tímabilsins var skjálftahrina austan við toppgíginn og seinna eru skjálftarnir sunnan og suðvestan við toppgíginn. Einnig eru skjálftar áfram undir Steinsholtinu. Á þessu tímabili er dýpi skjálftanna að jafnaði um 5-8 km. Skjálftarnir hætta að mestu frá því fyrir miðjan september og fram undir miðjan október.
![[01.10.99 - 30.11.99]](./eyj9910-9911.gif)
Upptök jarðskjálfta á tímabilinu 01.10.99 - 30.11.99. Á þessu tímabili eru skjálftarnir nær eingöngu SSA af toppgígnum og flestir þeirra eru á mjög litlu dýpi (1-3 km).
![[01.12.99 - 15.12.99]](./eyj9912-9912.gif)
Upptök jarðskjálfta á tímabilinu 01.12.99 - 15.12.99. Fyrstu dagana í desember voru nokkrir skjálftir undir Steinsholtinu en mjög lítil virkni hefur verið sunnantil undir jöklinum.
1999-12-15 gg@vedur.is