Veðurstofa Íslands
Jarðeðlissvið

Jarðskjálftar 960701 - 960707, vika 27

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]


Til að prenta kortið má nota postscript

Ný SIL stöð, Kúludalsá í Hvalfirði byrjaði 02.07. 1996

SUÐURLAND:

Þann 1. júlí var smáskjálftahrina við Krók í Hraungerðishreppi. Samkvæmt afstæðri staðsetningu eru skjálftarnir á lóðréttu NS-plani (sjá mynd). Frávik frá plani, rms = 14 metrar. Brotlausnirnar sýna sniðgengishreyfingu. Skjálftadýpi er frá 1.5 - 2 km. Þriðjudaginn 2. júlí var skjálftahrina við Frambruna í Eldborgar- hrauni (sjá mynd). Afstæðar staðsetningar sýna að skjálftarnir eru á plani með strik 11 gráður og 72 gráðu halla til austurs. Frávik frá plani, rms = 13 metrar. Brotlausnir sýna bæði sniðgengis- og siggengishreyfingu(normal). Dýpi skjálftanna er frá 5.4 - 5.8 km. Nokkrir skjálftar urðu þann 7. júlí um 3 km NV við Húsmúla (inn á Mosfellsheiði). Þeir eru á um 10 km dýpi á NS plani sem hallar um 80 gráður til vesturs. Þegar leið á vikuna fjölgaði smáskjálftum við Kleifarvatn. Þann 3. júlí er skjálfti (sprenging?) við Hvalfjörð. Nokkrir skjálftar voru í miðjum Mýrdalsjökli.

NORÐURLAND:

Mesta skjálftavirknin í vikunni var fyrir Norðurlandi, aðallega á svokölluðu Grímseyjarbelti. Það voru smáhrinur inn í Öxarfirði og við Grímsey og undir lok vikunnar voru þær SA við Kolbeinsey. Skjálftavirkni var einnig við Flatey á Skjálfanda.

Gunnar Guðmundsson