Veðurstofa Íslands
Jarðeðlissvið

Jarðskjálftar 970106 - 970112, vika 02

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

Til að prenta kortið má nota postscript

Suðurland

Fremur lítil virkni á láglendi en nokkur í Mýrdalsjökli og á Torfajökulssvæði.

Reykjaneshryggur

Þann 6. jan. var snörp hrina á Reykjaneshrygg nálægt 62 gráðum norður og 25 gráðum vestur. Alls eru skráðir 14 atburðir milli 10 og 14 með stærðir frá 2.3 til 3.6 en stærðirnar eru líklega vanmetnar.

Órói við Haukadal

Seinni hluta dags þann 7. og fram á morgun þess 8. sáust óróapúlsar á mælinum við Haukadal, Rangárvöllum. Við athugun kom í ljós að þetta voru í sumum tilvikum smáskjálftar. P-S tímamunur er tæp sekúnda og samkvæmt útslagi virðast upptökin í suðsuðaustri. Í a.m.k. einu tilviki voru þessir atburðir það þétt að úr varð samfelldur órói og tíðni hans um 2.5 Hz.

Norðurland

Fyrir Norðurlandi var virkni á hefðbundnum slóðum nema hvað allstórir skjálftar voru rétt norðan við Tjörnes og skjálftar við Þeystareyki og Reynihlíð.

Hálendið

Töluverð virkni milli Grímsvatna og Hamars og nokkrir atburðir við Tungnafellsjökul.

Kristján Ágústsson