	Veðurstofa Íslands Jarðeðlissvið

Jarðskjálftar 970127 - 970202, vika 05

Til að prenta kortið má nota postscript

Suðurland

Skjálftavirknin var mest áberandi á Mosfellsheiðinni, í grennd við Eiturhól. Er það framhald hrinunnar sem hófst þar fyrir nokkru. Flestir skjálftanna voru litlir en a.m.k. einn náði þó allt að þremur í stærð. Ekki hefur heyrst að skjálftar þessir hafi fundist þrátt fyrir nálægð við þéttbýli. Í lok vikunnar lauk þessari hrinu.

Allnokkrir smáskjálftar mældust í grennd við Bjarnastaði og í Krísuvík.

Tveir skjálftar mældust í Mýrdalsjökli, þrír á Torfajökulssvæðinu og einn í grennd við Eyjafjallajökul.

Norðurland

Hrina smáskjálfta var nálægt Grímsey og teygði virknin sig í átt til mynnis Eyjafjarðar.

Nokkuð var líka um skjálfta á Skjálfanda og í Öxarfirði.

Hálendið

Þann 29. janúar varð stutt en snörp hrina í Vatnajökli. Allmargir skjálftar mældust á u.þ.b. hálftíma kringum miðnættið. Skjálftar þessir urðu skammt norðvestan Skaftárkatlanna. Daginn eftir urðu svo fáeinir skjálftar í norðvestan Öskju, í Ytri-Dyngjufjöllum.

Pálmi Erlendsson