Veðurstofa Íslands
Jarðeðlissvið

Jarðskjálftar 970707 - 970713, vika 28

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

Til að prenta kortið má nota postscript

Vikan byrjaði nokkuð rólega, með stökum skjálftum fyrir norðan land og í Henglinum. Á fimmtudegi jókst skjálftavirknin víða og hélst hún nokkuð mikil út vikuna. Alls voru staðsettir 1011 atburðir.

Suðurland

Hengillinn var með rólegra móti fram á fimmtudagskvöld. Þá urðu allmargir skjálftar af stærðinni 2-3 og fylgdi mikil smáskjálftavirkni það sem eftir lifði vikunnar. Skjálftarnir voru mest í grennd við Hrómundartind og sunnan Skálafells í grennd við Þrengslin. Einnig urðu nokkrir í Núpafjalli, austan Hveragerðis.
Nokkrir skjálftar mældust á Suðurlandsundirlendinu og smáhrina út af Reykjanesi og við Kleifarvatn.

Norðurland

Talsvert var af skjálftum fyrir norðan land. Seinni part vikunnar urðu allmargir skjálftar fyrir mynni Eyjafjarðar.

Hálendið

Nokkuð rólegt var á hálendinu. Tveir skjálftar mældust í Þórisjökli og tveir í Mýrdalsjökli.

Pálmi Erlendsson