Veðurstofa Íslands
Jarðeðlissvið

Jarðskjálftar 970929 - 971005, vika 40

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

Til að prenta kortið má nota postscript

Vikan var róleg framanaf en rétt fyrir miðnætti föstudaginn 3. október hófst hrina smáskjálfta í Henglinum.

Suðurland

Að venju var bróðurpartur mældra skjálfta í Henglinum. Þetta voru allt smáskjálftar, enginn þeirra stærri en 2,5. Flestir þeirra voru norðan Hveragerðis, við Hrómundartind. Fáeinir skjálftar mældust vestur eftir Reykjanesskaganum og alveg út á tá. Einn skjálfti mældist í Surtsey þann 29. september.

Norðurland

Síðan í júlí hefur verið öflug skjálftavirkni fyrir mynni Eyjafjarðar og var einnig nokkuð um skjálfta þar þessa vikuna. Einn mældist rétt vestan Húsavíkur. Austur af Grímsey mældust einnig fáeinir skjálftar.

Hálendið

Jöklar landsins létu á sér kræla þessa vikuna. Allnokkrir skjálftar mældust í Hamrinum, tveir í Langjökli og einn í Þórisjökli. Mest bar þó á skjálftavirkni í Mýrdalsjökli eins og undanfarnar vikur. Hér gefur að líta mynd af skjálftavirkninni þar. Hafa ber í huga að ekki eru allar staðsetningar jafn nákvæmar. Þann 3. október mældist einn smáskjálfti (M 1,2) í Vatnafjöllum.

Pálmi Erlendsson