Veðurstofa Íslands
Jarðeðlissvið

Jarðskjálftar 971006 - 971012, vika 41

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

Til að prenta kortið má nota postscript

Í vikunni voru staðsettir 395 skjálftar og var virknin heldur vaxandi er leið á vikuna.

Suðurland

Að venju voru flestir þeirra skjálfta sem staðsettir voru í vikunni á austanverðu Hengilsvæðinu. Nokkrir skjálftar mældust undir Fagradalsfjalli á Reykjanesskaga og við Hlíðarvatn í Selvogi. Virkni hélt áfram í vestanverðum Mýrdalsjökli. Flestir skjálftanna virðast eiga upptök nærri yfirborði undir Fimmvörðuhálsi. Í flestum þeirra skjálfta sem upptök eiga nærri Mýrdalsjökli er hreyfingin hægari og stendur mun lengur en í venjulegum skjálftum. Þetta veldur því að það er erfiðara að staðsetja skjálftana og það er vandkvæðum bundið að meta stærð þeirra. Því er mun meiri óvissa í staðsetningu flestra skjálfta á Mýrdalsjöklussvæðinu og hætt við að stærð þeirra sé talsvert vanmetin.

Norðurland

Skjálftavirkni hélt áfram við mynni Eyjafjarðar, stærsti skjálftinn var klukkan 23:50 á sunnudagskvölið og mældist stærðin 3.5. Þessi skjálfti fannst á Ólafsfirði.

Hálendið

Í vikunni voru engir skjálftar staðsettir á miðhálendinu.

Einar Kjartansson