Veðurstofa Íslands
Jarðeðlissvið

Jarðskjálftar 980727 - 980802, vika 31

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

Til að prenta kortið má nota postscript

Vikan í heild var frekar róleg, 364 skjálftar staðsettir auk 8 sprenginga. 5 þeirra voru á Sultartanga, 1 í Hvalfirði og 2 á Fljótsheiðinni. Sprengingarnar eru ekki með á kortinu.

Suðurland

Einhver virkni var í Henglinum þessa vikuna en allir skjálftar smáir. Sama má segja um Krísuvík. Allnokkur virkni var við Hestvatn og náði hún hámarki á laugardegi kl. 12:23 er skjálfti upp á 2,8-2,9 varð. Eftir hann dró úr virkninni og hafa síðan aðeins mælst smáskjálftar á svæðinu. Tveir skjálftar mældust í nágrenni Almannagjár á Þingvöllum.

Norðurland

Lítil skjálftavirkni á Norðurlandi, fáeinir mældir úti fyrir Öxarfirði, Skjálfanda og Eyjafirði. Einn skjálfti mældist á fremur óvenjulegum stað, undir Vatnsskarði. Skjálftar á þessum stað eru ekki með öllu óþekktir, aðeins sjaldgæfir.

Hálendið

Hálendið var rólegt. Einn skjálfti mældur í grennd við Hrafntinnusker og tveir í Þórisjökli.

Pálmi Erlendsson