	Veðurstofa Íslands Jarðeðlissvið

Jarðskjálftar 990201 - 990207, vika 05

Til að prenta kortið má nota postscript

Vikan í heild sinn mjög róleg. 117 skjálftar staðsettir. Að auki eru alltaf staðsettar sprengingar víðsvegar um land. Algengastar eru þær í grennd við Sultartanga en einnig nokkuð algengar í Geldinganesi í Hamranesi vestan Hafnarfjarðar. Á kortið hefur slæðst með ein sprenging í nágrenni Akureyrar.

Allnokkrir hringdu til Veðurstofu vegna titrings eða sprenginga upp úr klukkan 15 föstudaginn 5. febrúar. Þetta reyndust vera þotur að rjúfa hljóðmúrinn um 120 sjómílur vestur af Reykjanesi. Þetta mældist vel á jarðskjálftamælum Veðurstofunnar um allt land eins og sjá má á þessari óróamynd.

Suðurland

Bróðurpartur skjálfta að venju á Hengilssvæðinu. Allir smáir. Fáeinir skjálftar staðsettir í grennd við Kleifarvatn og einn skjálfti í grennd við Surtsey.

Norðurland

Ekki mikið af skjálftum en þeir á víð og dreif; úti fyrir Eyjafirði, í Öxarfirði og eins fáeinir kringum Mývatn.

Hálendið

Þrír skjálftar staðsettir í vestanverðum Mýrdalsjökli, einn í Hofsjökli, einn í Geitlandsjökli og einn í Bárðarbungu.

Pálmi Erlendsson