Veðurstofa Íslands
Jarðeðlissvið

Jarðskjálftar 20010528 - 20010603, vika 22

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Í viku 22 mældust 183 skjálftar. Athyglisverðustu atburðir vikunnar eru skjálfti og óróakviða í Mýrdalsjökli.

Suðurland

Um Suðurland og Reykjanes var dreifð skjálftavirkni. Á miðvikudag var lítil skjálftahrina í Landi á Suðurlandi. Stærstu skjálftarnir voru tæpir 2 á Ricterskvarða.

Norðurland

Skjálftavirknin norður af Grímsey hélt áfram en það dró úr henni þegar leið á vikunna. Stærstu skjálftarnir mældust um 3 á Ricterskvarða.

Hálendið

Lítilsháttar skjálftavirkni var suður af Langjökli. Í Hofsjökli mældist einn skjálfti rúmir 2 á Ricterskvarða og í Vatnajökli mældist sömuleiðis einn skjálfti af sömu stærðargráðu.

Katla

Markverðustu tíðindi vikunnar voru skjálfti í Mýrdalsjökli, miðvikudaginn 30. maí kl. 13:28 á 22 km dýpi, 1.5 á Richterskvarða. Staðsetning hans er á svipuðum slóðum og sigkatlarnir sem mynduðust 1955. Í kjölfar hans fylgdi 10 mínútna óróakviða, sem kom fram á öllum stöðvum umhverfis jökulinn. Líklegt má teljast að um kvikuinnskot hafi verið að ræða.

Vigfús Eyjólfsson