Veðurstofa Íslands
Jarðeðlissvið

Jarðskjálftar 20010827 - 20010902, vika 35

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Í vikunni mældust 184 skjálftar á landinu og umhverfis það.

Suðurland

Á Suðurlandi voru skjálftarnir á sömu stöðum og undanfarið, þ.e. á Holta- og Hestfjallssprungunum, sunnan Ingólfsfjalls og í Ölfusinu. Þeir voru allir smáir. Skammt úti af Reykjanesi komu 2 skjálftar, sá stærri 1.5 stig, og 5 km SSV af Geysi var skjálfti 1.4 stig að stærð.

Norðurland

Norðanlands var virknin mest á Húsavíkursprungunni, þar sem stærsti skjálftinn var 2.7 stig, úti fyrir mynni Eyjafjarðar. Tveir aðrir skjálftar voru stærri en 2 stig. Í Öxarfirði komu nokkrir smáskjálftar.

Vesturland

Í Síðufjalli í Hvítársíðu var skjálfti kl 18:01 þann 1. sept. Hann var 1.8 stig.

Hálendið

Í Mýrdalsjökli mældust nokkrir skjálftar inni í öskjunni, sá stærsti þar var 1.3 stig, en í vestanverðum jöklinum urðu stærstu skjálftarnir. Þeir voru vestan við Goðabungu, sá stærsti 2.6 stig og skömmu síðar 2.1 og 1.7 stig. Í nágrenni Torfajökuls komu nokkrir skjálftar, sá stærsti 1.2 stig. Í Vatnajökli voru 3 skjálftar. Sá stærsti 1.9 stig í Bárðarbungu, en hinir austan við Hamarinn 0.9 og 1.2 stig. Í Hofsjökli norðaustanverðum var skjálfti 1.7 stig, og vestan við Hveravelli upp undir Langjökli komu nokkrir skjálftar, sá stærsti 1.5 stig.

Þórunn Skaftadóttir