	Veðurstofa Íslands Jarðeðlissvið

Jarðskjálftar 20010910 - 20010916, vika 37

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Yfir 300 skjálftar mældust þessa vikuna, þar af tæpur helmingur þann 14. Þann dag mældust 5 skjáftar yfir 3 á Richter, 2 um kl. 7:30, 2 um kl. 11:12 og sá stærsti kl. 13:57, en sá mældist 3,5. Auk þessa skjálfta var tilkynnt um fundna skjálfta þ. 12.9. kl 16:18 í Öxarfirði, en sá skjálfti mældist 3 á Richter og þ. 16.9. kl.19:58 við Námaskarð, en hann mældist þó ekki nema 2,4. Nokkur virkni var líka úti á Reykjaneshrygg þessa vikuna.

Suðurland

Yfir 100 skjálftar mældust á suðvestur horninu, þar af 18 í Mýrdalsjökli og 6 á Torfajökulssvæðinu. Virknin er enn mest bundin við sprungurnar frá því í fyrra, en nokkur virkni er auk þess á Hengilsvæðinu og í Ölfusi. Þrír skjálftar mældust beint norður af Holtasprungunni, annars vegar nálægt Geysi og hins vegar vestan Sandvatns.

Norðurland

Hin staðbundna skjálftavirkni í Öxarfirði, um 10 - 15 km vestur af Kópaskeri hélt áfram, stærsti skjálftinn, 3 á Richter, varð á miðvikudag. Á föstudag varð talsverð hrina um 20 km norður af Siglufirði, með 5 skjálftum um og yfir 3 á Richter. Vikunni lauk svo með fundnum skjálfta um 2 km ANA af Reynihlíð (þar sem jarðskjálftamælirinn er), en sá skjálft fannst vegna nálægðar hans við byggð.

Hálendið

Rólegt á hálendinu utan við Torfajökulssvæðið, Mýrdalsjökul og Haukadalsafrétt.

Steinunn S. Jakobsdóttir