	Veðurstofa Íslands Jarðeðlissvið

Jarðskjálftar 20011029 - 20011104, vika 44

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni mældust 305 jarðskjálftar. Rúmlega helmingur skjálftanna mældist í skjálftahrinu sem hófst miðvikudaginn 31. okóber um 5 km fyrir norðan Gjögurtá.

Suðurland

Á Reykjaneshrygg mældust 3 skjálftar, 2 tæplega 40 km frá landi og einn um 90 km út á hrygg.
Þrír skjálftar mældust vestan við Fagradalsfjall á Reykjanesi.
Um 7 km norðan við Bláfjallaskála, vestan Vífilsfells, mældust 6 skjálftar í vikunni. Tveir urðu 31. október (2.1 og 0.6 að stærð), en fjórir 4. nóvember (2.3, 2.7, 0.8 og 1.5 að stærð). Stærsti skjálftinn, 2.7 stig, sem varð kl. 10:43 fannst í Kópavogi, Reykjavík og Mosfellsbæ.
Nokkrir skjálftar mældust á Hengilssvæðinu og tveir smáskjálftar sunnan í Ingólfsfjalli. Á Hestfjalls- og Holtasprungunum mældust nokkrir tugir smáskjálftar.

Norðurland

19 skjálftar mældust í Öxarfirðinum.
31. október hófst hrina um 5 km norður af Gjögurtá. Mældust þá 125 skjálftar, 29 skjálftar daginn eftir, en síðan aðeins nokkrir á dag. Flestir skjálftanna voru milli 1 og 2 stig á Richter, en aðeins 4 náðu stærðinni 2 (stærsti 2.2).

Hálendið

28 skjálftar mældust undir vestanverðum Mýrdalsjökli í vikunni, en tveir yst undir Kötlujökli. Þeir voru á stærðarbilinu 0.5 til 2.3.
Undir Lokahrygg í vestanverðum Vatnajökli mældust tveir skjálftar, 1.5 og 1.6 stig.
Skjálfti að stærð 1.4 mældist vestan við Herðubreiðartögl.

Bergþóra S. Þorbjarnardóttir