	Veðurstofa Íslands Jarðeðlissvið

Jarðskjálftar 20011119 - 20011125, vika 47

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni skráðust 151 skjálftar á og við landið. Nokkuð veðrasamt var víða á landinu í vikunni og náðust því færri skjálftar en ella. Stærstu skjálftarnir tveir, Ml=2,2 voru í vestanverðum Mýrdalsjökli á þriðjudag og föstudag.

Suðurland

Á Suðurlandi var mesta virknin eins og venjulega á Holta- (16) og Hestfjallssprungunum (34). Þeir skjálftar voru á stærðarbilinu -0,7 til 1,5. Níu skjálftar, af stærð í kringum 0,5 voru í Hjallahverfi og á Hengilssvæðinu voru átta skjálftar á stærðarbilinu 0,1 -1,4. Þá voru einnig tveir litlir skjálftar í nágrenni Heklu.

Á Reykjanesi voru þrír skjálftar vestur af Kleifarvatni. Þeir voru á stærðarbilinu 1,2 til 1,7. Um 30 km suðvestur af Reykjanestá mældust tveir skjálftar, nálægt 2 að stærð.

Tveir litlir skjálftar, 0,7 að stærð, mældust vestur af Langjökli.

Norðurland

Á Norðurlandi skráðist lítil virkni, einungis 14 skjálftar. Einn þeirra, 1,0 að stærð var á Þeistareykjum. Sex voru í Öxarfirði, þeir voru á stærðarbilinu 1,3-1,9. Einn skjálfti var norður af Húsavík, tveir í nágrenni Flateyjar og restin norður af Eyjafirði. Flestir þessir skjálftar voru um og yfir 1 að stærð.

Hálendið

51 skjálfti skráðist undir Mýrdalsjökli. Sá stærsti þeirra, 2,2 að stærð, var undir vestanverðum jöklinum, en flestir skjálftanna (32) voru þar. Hinir 19 dreifðust um Kötluöskjuna. Þeir voru yfirleitt smáir og þess vegna ekki nákvæmt staðsettir.

Tveir skjálftar, um 1 að stærð voru á Torfajökulssvæðinu, og einn skjálfti, 1,6 að stærð um 7 km ANA af Heklu. Í norðaustanverðri Bárðarbungu voru tveir skjálftar, 2,1 að stærð og einn skjálfti mældist suðvestan við Hofsjökul. Hann var 2,0 að stærð.

Kristín S. Vogfjörð