	Veðurstofa Íslands Jarðeðlissvið

Jarðskjálftar 20021021 - 20021027, vika 43

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni mældust á fjórða hundrað skjálftar, þar af rúmlega helmingur í Mýrdalsjökli. Stærstu skjálftarnir, um 3.2 á Richter, mældust á mánudeginum við Esjufjöll í Vatnajökli, en á því svæði var nokkur skjálftavirkni alla vikuna.

Suðurland

Virknin er nokkuð dreifð um suðurlandsbrotabeltið þessa vikuna, en Hestfjallssprungan er þó sýnu virkust. Um 60 skjálftar mældust á suðvesturhorninu.

Norðurland

Um 40 skjálftar mældust norður af landinu og inn á norðanvert landið. Skjálfti við Þeystareyki mælist af stærð 1 og skjálfti á Mývatnsöræfum, í nágrenni við Sveinagjá mælist 0,6.

Hálendið

Þessa vikuna mældust um 170 skjálftar í og við Mýrdalsjökul. Virknin er sem fyrr mest við Goðabungu, en nokkrir skjálftanna eiga upptök sín undir Kötluöskjunni. Hafa ber í huga að mikil óvissa er í staðsetningu minnstu skjálftanna og þar af leiðandi verður dreifingin mikil. Auk virkninnar í Mýrdalsjökli hefur verið hrina í gangi við norðvestanverð Esjufjöll. Stærstu skjálftarnir sem mældust þar voru á mánudag, annars vegar kl. 3:09 um nóttina og hins vegar kl. 17:23. og mældust báði þessir skjálftar um 3,2 á Richter. Heldur dró úr virkninni þegar leið á vikuna. Alls mældust um 50 skjálftar á svæðinu. Fyrri part vikunar mældust skjálftar undir Öræfajökli, við Grænalón og við Grímsvötn. Staðsetning síðastnefnda skjálftans er ónákvæm. Seinni part vikunnar mældust skjálftar í Þórisjökli og við Geitlandsjökul upp á 0,7 og 0,6.

Steinunn S. Jakobsdóttir