	Veðurstofa Íslands Jarðeðlissvið

Jarðskjálftar 20030203 - 20030209, vika 06

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni mældust 128 skjálftar á og við landið. Stærsti skjálftinn varð í Mýrdalsjökli á föstudag. Hann var 2.7 að stærð.

Suðurland

Á Suðurlandi var dreifð virkni. Á Hestfjallssprungunni voru 11 litlir skjálftar, allir minni en 1 að stærð og á Holtasprungunni voru aðrir 5 litlir skjálftar. Á Hengilssvæði mældust 6 skjálftar, allir undir 1 að stærð.

Á Reykjanesi mældust 8 skjálftar, einn í Sveifluhálsi, einn í Núpshlíðarhálsi 4 í Fagradalsfjalli og 2 við Stóra Skógfell. Stærðir þessara skjálfta voru á bilinu 0.7 - 1.9

Í Mýrdalsjökli mældust 27 skjálftar á stærðarbilinu 1.1 - 2.7. Þeir voru allir við Goðabungu. Í Norðanverðum Eyjafjallajökli mældust tveir skjálftar um 1.4 að stærð og á Torfajökulssvæðinu mældust 9 skjálftar á stærðarbilinu 0.6-1.5.

Í Breiðamerkurdjúpi, um 70 km suðaustur af Öræfajökli mældist einn skjálfti á mánudag. Hann var um 1.5 að stærð.

Norðurland

Á Norðurlandi mældust 47 skjálftar og þrír að auki um 140 km fyrir norðan land.

21 skjálfti mældist í Öxarfirði, þeir voru á stærðarbilinu 0.5 - 1.6. Níu skjálftar (1 - 1.5) voru austur af Grímsey. Fimm litlir skjálftar (0.5 - 1.2) voru á Húsavíkurmisgenginu vestan af Flateyjar og tveir voru norðan við Flatey. Þrír skjálftar, um 1.5 að stærð, voru norður af Siglufirði. Um 40 km NV við Grímsey var stærsti skjálftinn á Norðurlandi, 2.3 að stærð. Á Tröllaskaga mældist einn skjálfti.

Hálendið

Þrír skjálftar voru í Vatnajökli, tveir við Bárðarbungu, 1.4 og 2.3 að stærð og einn vestur af Esjufjöllum 1.2 að stærð. Einn skjálfti mældist við Langjökul.

Einn skjálfti var á Kröflusvæðinu og einn í Bjarnarflagi, báðir minni en 1.

Kristín S. Vogfjorð og Sigurlaug Hjaltadóttir