	Veðurstofa Íslands Jarðeðlissvið

Jarðskjálftar 20031110 - 20031116, vika 46

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 170 skjálftar voru staðsettir þessa vikuna sem og nokkrar sprengingar. Stærsti skjálftinn mældist á föstudag úti fyrir mynni Eyjafjarðar og var hann tæplega 3 á Richter.

Suðurland

Athuglisverðast við virknina á Suðurlandi er hversu dreifð hún er, en ekki áberandi bundin við sprungurnar frá 2000, eins og gjarnan hefur verið að undanförnu. Skjálftarnir eru allir smáir, þ. e. undir 2 á Richter.

Mýrdalsjökull

Í vikunni mældust 59 skjálftar í Mýrdalsjökli og voru þeir nánast allir í vestanverðum jöklinum. 28 skjálftar til viðbótar voru sjánlegir í gögnunum án þess að hægt væri að staðsetja þá.

Norðurland

Smá skjálfti mældist í Fljótunum í vikunni. Stærsti skjálftinn mældist sem fyrr segir út af Eyjafirði. Virknin frekar lítil og dreifð.

Hálendið

Virkni hélt áfram við Öskju og Herðubreið, en heldur dró úr henni þegar leið á vikuna. 3 skjálftar mældust í Vatnajökli og einn í Flosaskarði við Langjökul.

Steinunn S. Jakobsdóttir