	Veðurstofa Íslands Eðlisfræðisvið

Jarðskjálftar 20040119 - 20040125, vika 04

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Það voru ekki staðsettir margir skjálftar í vikunni (172), en virknin var samt mjög áhugaverð. Ber þar hæst jarðskjálftavirkni við Öskju, við Geirfugladrang á Reykjaneshrygg og lítið hlaup niður Skeiðarársand.

Suðurland

Geirfugladrangur: Á mánudaginn 19. janúar kl. 9:45 mældist skjálfti að stærðinni 3 við Geirfugladrang á Reykjaneshrygg (um 30 km frá landi). Í kjölfarið mældust um 10 skjálftar á stærðarbilinu 1,7 til 2,3. Síðasti skjálftinn í hrinunni varð kl. 11:15. Fimmtudaginn 22. jan. mældust nokkrir skjálftar í viðbót þar, sjá kort.
Rólegt var á Suðurlandi. Helst ber til tíðinda að nokkrir skjálftar mældust við rætur Dalafells, um 3km NNV af Hveragerði, þar sem skjálfti að stærðinni 3,7 mældist 7. janúar 2004.

Norðurland

Nokkuð var um skjálfta á Grímseyjarbrotabeltinu austan við Grímsey.

Hálendið

Askja: Um kl. 17 á þriðjudegi (20.jan) mældust um 10 smáir skjálftar í einum rykk NA við Öskjuvatn. Kl. 23 sama kvöld mældist skjálfti að stærðinni 3,2 SA við Öskjuvatn. Nokkrir smærri skjálftar fylgdu í kjölfarið. Virkni við Öskju hefur farið vaxandi undanfarin ár, sjá yfirlit.
Vatnajökull: Nokkrir skjálftar mældust undir Vatnajökli í vikunni. Á miðvikudag og fimmtudag sást hlaupórói á Kálfafelli og nokkrir skjálftar voru staðsettir í Skeiðarárjökli. Á miðvikudag mældist lítið hlaup í Skeiðará hjá Vatnamælingum.
Mýrdalsjökull: Undir Mýrdalsjökli voru staðsettir 41 skjálfti í vikunni, þar af 6 stærri en 2,0. Flestir skjálftanna voru vestan til í jöklinum eins og hefur verið undanfarið.

Halldór Geirsson