	Veðurstofa Íslands Jarðeðlissvið

Jarðskjálftar 20050502 - 20050508, vika 18

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Vikan var fremur róleg. Nokkrar sprengingar og um 160 skjálftar voru staðsettir í vikunni. Smáskjálftahrina varð upp af Héðinsfirði 4.maí, er þar mældust 36 skjálftar þann dag.

Suðurland

Fremur rólegt var á Rekjanesskaga, þrír litlir skjálftar mældust við Kleifarvatn, tveir nærri Fagradalsfjalli og tveir skammt úti fyrir landi á Reykjanesshrygg. Reitingur af skjálftum mældist á Hengilssvæði, nokkrir skjálftar á Hestjallssprungunni (frá 21. júní 2000) dreif nokkurra skjálfta austar á Suðurlandsbrotabeltinu.

Norðurland

Smáskjálftahrina varð upp af Héðinsfirði 4.maí. 36 skjálftar mældust frá tæplega níu um morguninn og stóð hrinan fram yfir hádegi. Skjálftarnir hafa verið endurstaðsettir og má sjá kort af svæðinu hér. Flestir voru skjálftarnir litlir, sá stærsti um 2,5 að stærð. Nýju staðsetningarnar sýna að skjálftarnir verða á litlu afmörkuðu svæði. Þeir lenda flestir á línu sem hefur strikstefnu N65°A og er vart meira en 400 m að lengd. Hallinn er um 83° (til vesturs) og lenda allflestir skjálftarnir á dýptarbilinu 7,7-8,3 km. Þetta sést betur á þessari mynd.

Hálendið

Skjálftavirkni er viðvarandi lítil í Mýrdalsjökli. 14 skjálftar voru staðsettir undir jöklinum í vikunni, allir litlir (sá stærsti rétt rúmlega 2 að stærð), þar af 12 í vestanverðum jöklinum, sjá sérkort. Þrír skjálftar mældust í Bárðarbungu 3., 6. og 7.maí (stærðir 1,7, 1,8 og 2,3). Þá mældust smáskjálftar (allir undir tveimur) við Öskju og Herðubreiðartögl.

Sigurlaug Hjaltadóttir