	Veðurstofa Íslands Jarðeðlissvið

Jarðskjálftar 20051226 - 20060101, vika 52

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Staðsettir voru 244 skjálftar í vikunni, stærsti skjálftinn á landinu var 2,5 stig í Mýrdalsjökli.

Suðurland

Á Suðurlandi voru engir stórir skjálftar, en dreifðir smáskjálftar allt frá Torfajökli út fyrir Reykjanes. Tveir stærstu skjálftarnir á þessu svæði voru 1,6 stig, skammt utan við Reykjanes.

Norðurland

Úti fyrir Norðurlandi var virkni mjög dreifð, stærsti skjálftinn var 2,4 stig úti fyrir mynni Eyjafjarðar, en í Öxarfirði varð hrina 30. - 31. des. þar sem staðsettir voru 47 skjálftar nánast á sama stað. Stærsti skjálftinn þar var 2,3 stig.

Hálendið

Í Vatnajökli urðu skjálftar víða, sá stærsti 1,9 stig norðan Bárðarbungu, en í Skeiðarárjökli voru staðsettir rúmlega 70 skjálftar á annan dag jóla og næstu daga. Flestir voru þeir á stærðarbilinu 1 - 1,8 stig. Eins og sjá má á myndum frá Matthew Roberts er greinileg fylgni á milli þessarar virkni og úrkomu í nágrenninu. Í Mýrdalsjökli mældust 7 skjálftar, voru fjórir þeirra 2,0 - 2,5 stig að stærð. Allir voru skjálftarnir í vestanverðum jöklinum. Í nágrenni Herðubreiðar og Öskju var framhald á virkni síðustu viku, en allir voru skjálftarnir smáir.

Þórunn Skaftadóttir