	Veðurstofa Íslands Jarðeðlissvið

Jarðskjálftar 20060109 - 20060115, vika 02

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Alls mældust 120 skjálftar, nokkrir frostbrestir og 4 sprengingar í viku 2. Stærsti skjáftinn, um 3,5, mældist við Mánáreyjar.

Suðurland

Á Suðurlandsundirlendi mældust 20 skjálftar í vikunni, sá stærsti, af stærð 2, var staðsettur við Hestfjall. Smáhrina varð við Trölladyngju á Reykjanesskaga aðfararnótt þriðjudagsins 10. janúar. Alls mældust þar 10 skjálftar um nóttina, sá stærsti af stærð tæplega 3, auk 2 skjálfta í Kleifarvatni. Um kvöldið mældust 2 skjálftar sunnar í Núpshlíðarhálsi (Vesturhálsi). Auk þess mældust í vikunni skjálftar við Fagradalsfjall og Reykjanes.

Norðurland

Á sunnudag varð hrina norður á Kolbeinseyjarhrygg (~68°N), úr hrinunni mældust 8 skjálftar á stærðarbilinu 2,3 - 3,3. Mikið var um frostbresti á Norðausturlandi aðfararnótt þriðjudags, en þeir verða ekki staðsettir af neinu viti. Um 30 skjálftar mældust á Norðurlandi og Tjörnesbrotabeltinu. Stærsti skjálftinn, sem mældist um 3,5, varð rétt norður af Tjörnesiföstudaginn 13. janúar. Þetta er frekar óvenjulegur staður fyrir skjálfta.

Hálendið

Á laugardagskvöldið mældist skjálfti af stærð 2 við Ketildyngju á Mývatnsöræfum. Smáhrina varð austur af Dreka í Dyngjufjöllum aðfararnótt miðvikudags, alls mældust 7 skjálftar á stærðarbilinu 1-2. Aðfararnótt laugardags mældust 3 skjálftar undir Herðubreið. Í norðvestanverðum Vatnajökli mældust 12 skjálftar, 4 í norðanverðri Bárðarbungu og 4 í Dyngjujökli suður af Kistufelli. Hér má sjá tímadreifingu skjálfta stærri en 2 síðastliðin 2 ár.

Steinunn S. Jakobsdóttir