	Veðurstofa Íslands Jarðeðlissvið

Jarðskjálftar 20060123 - 20060129, vika 04

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Staðsettir voru 188 skjálftar á landinu og umhverfis það, og auk þess nokkrar sprengingar. Stærsti skjálftinn var 2,6 stig norður af Tjörnesi.

Suðurland

Á Suðurlandi dreifðust skjálftar víða og voru smáir, sá stærsti var 2,1 stig í Hjallahverfi í Ölfusi.

Norðurland

Litlar hrinur urðu á nokkrum stöðum á misgengjunum norðan við land, í Öxarfirði, norðan við Tjörnes, norðan við Grímsey og úti fyrir mynni Eyjafjarðar. Stærstu skjálftarnir voru norður af Tjörnesi 2,6 stig, og fyrir norðan Grímsey 2,4 stig.

Hálendið

Um 5 km norðan við Hveravelli varð hrina smáskjálfta þann 26. janúar. Stærsti skjálftinn var 1,8 stig. Í Mýrdalsjökli voru staðsettir 10 skjálftar, flestir í vestanverðum jöklinum. Sá stærsti var 2,2 stig. Stærsti skjálftinn í Vatnajökli var 2.1 stig skammt austur af Hamrinum, en í Skeiðarárjökli mældust margir skjálftar á laugardag og sunnudag. Úrkoma var mikil á svæðinu, en fylgni virðist vera með úrkomu og ísskjálftavirkni.

Þórunn Skaftadóttir