	Veðurstofa Íslands Jarðeðlissvið

Jarðskjálftar 20060327 - 20060402, vika 13

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni voru staðsettir 245 skjálftar á landinu og umhverfis það, og auk þess nokkrar sprengingar. Stærsti skjálftinn var 27 km ASA af Grímsey, 3,2 stig að stærð.

Suðurland

Á Suðurlandi voru smáskjálftar allt frá Torfajökli í austri út á Reykjanes, en þar var stærsti skjálftinn á svæðinu 2,0 stig. Úti við Geirfugladrang urðu heldur stærri skjálftar, eða upp í 2,4 stig.

Norðurland

Fyrir norðan kvað mest að hrinu, sem var um 27 km ASA af Grímsey. Hófst hrinan á þriðjudag og stóð út vikuna. Mældust á þeim tíma 128 skjálftar á litlu svæði. Stærsti skjálftinn var 3,2 stig, en um tugur skjálfta var 2,0 stig eða stærri.

Hálendið

Í Herðubreið og Öskju voru nokkrir skjálftar, sá stærsti var 1,7 stig austan við Öskjuvatn. Stærsti skjálftinn í Vatnajökli var 2,2 stig við Bárðarbungu. Í Mýrdalsjökli mældust tveir skjálftar yfir 2 stig í vesturjöklinum, 2,3 og 2,1 stig. Smærri skjálftar voru á víð og dreif. Á Torfajökulssvæðinu mældust nokkrir smáskjálftar.

Þórunn Skaftadóttir