	Veðurstofa Íslands Jarðeðlissvið

Jarðskjálftar 20060814 - 20060820, vika 33

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni bar hæst hrinu í Kaldbaki, stærsti skjálftinn var 3,3 stig og fannst á Dalvík. Þá var einnig hrina við Bárðarbungu, þar sem stærsti skjálftinn var 2,7 stig.

Suðurland

Nokkrir smáskjálftar mældust á Suðurlandi.

Reykjanesskagi

Nokkrir smáskjálftar voru við Kleifarvatn sunnanvert og á Reykjanesi.

Norðurland

Hrina var í Kaldbaki, sem stóð í 3 daga og mældust rúmlega 80 skjálftar. Stærsti skjálftinn, 3,3 stig, var þann 18. ágúst kl 02:31 og varð hans vart á Dalvík. Næstir að stærð voru 2,8 og 2,5 stig. Þá mældist skjálfti 2,7 stig skammt austan við Grímsey, og var nokkur virkni milli Grímseyjar og lands.

Hálendið

Við Bárðarbungu mældust 17 skjálftar á 4 dögum, þar sem stærsti skjálftinn var 2,7 stig, og sá næsti 2,5. Þá voru nokkrir skjálftar við Kistufell, stærsti skjálftinn þar var 2,1 stig. Einnig mældust nokkrir skjálftar í nágrenni Herðubreiðar.

Mýrdalsjökull

Í Mýrdalsjökli urðu flestir skjálftanna í vesturjöklinum, þar á meðal þrír þeir stærstu, sem voru 2,0 - 2,1 stig að stærð.

Þórunn Skaftadóttir