	Veðurstofa Íslands Jarðeðlissvið

Jarðskjálftar 20061009 - 20061015, vika 41

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í viku 41 mældust 213 skjálftar og nokkrar sprengingar. Stærsti skjálftinn mældist að stærð 3,5 um norður af landinu, við Spar brotabeltið. Í byrjun vikunnar mældist skjálfti að stærð 2,5 út af landgrunnsbrúninni um 90 km suðaustur af Breiðamerkurjökli. Mesta virknin var úti fyrir mynni Eyjafjarðar, um 13 km norðvestur af Gjögurtá, en þar mældust 98 skjálftar í vikunni.

Suðurland

Frekar lítil virkni á Suðurlandsundirlendi. Stærsti skjálftinn mældist við Árnes að stærð um 2.

Reykjanesskagi

Lítil virkni var á Reykjanesskaga þessa vikuna. Við Brennisteinsfjöll mældust tveir smáskjálftar, tveir í Kleifarvatni og skjálftar við Sveifluháls og Fagradalsfjall. Stærstu skjáftarni, við Brennisteinsfjöll og í Kleifarvatni, mældust að stærð 2.

Norðurland

Sem fyrr segir var virknin mest út af Eyjafirði, þar sem mældust 98 skjáftar á mjög afmörkuðu svæði. Stærsti skjálftinn í hrinunni mældist um 3.

Hálendið

Við Kverkfjöll mældust 2 skjálftar auk nokurra skjálfta undir Dyngjujökli og skjálfta við Herðubreið. Allmikil ísskjálftavirkni var fyrri hluta vikunnar í Skeiðarárjökli samfara úrkomu og hlýjindum.

Mýrdalsjökull

Undir vestanverðum jöklinum mældust 22 skjálftar og 1 skjálfti í norðanverðri Kötluöskjunni. Um helmingur skjálftanna voru um og yfir 2 að stærð.

Steinunn S. Jakobsdóttir