Veðurstofa Íslands
Jarðeðlissvið

Jarðskjálftar 20070430 - 20070506, vika 18

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Skrifað: 6. maí, kl. 13:00
288 skjálftar mældust í vikunni.
Djúpskjálftar við Upptyppinga hafa haldið áfram. Í vikunni mældust 154 skjálftar þar.
Um 80 km NNV af Grímsey var lítil hrina 3-4. maí, en 18 skjálftar mældust í hrinunni og var stærsti skjálftinn 2,8 af stærð.
Nokkrir smáskjálftar mældust á Hellisheiðinni, en suma þeirra má rekja til borannaframkvæmda á svæðinu, en smáskjálftar af þeim völdum eru algengir við þær aðstæður. 5 skjálftar mældust í eða við Mýrdalsjökul, 4 skjálftar mældust við Bárðabungu og 2 skjálftar rétt við Kistufell, norður af Vatnajökli. 3 skjálftar mældust við suðurenda Langjökuls.

Að öðru leiti hefur virkni vikunar verið með nokkuð hefðbundnu sniði, en lýsingu eftir dögum má sjá hér að neðan.

30. apríl
53 skjálftar mældust. 7 þeirra eru á Hellisheiðinni (sjá kort af Hengilssvæðinu).
Enn heldur virknin áfram við Upptyppinga, en þar mældust 28 skjálftar. 8 skjálftar mældust um 5,5 km N af Krísuvík, 6 af þeim urðu í lítilli hrinu á milli kl. 18:23 og 18:36.

1. maí
29 skjálftar mældust, þar af voru 11 skjálftar voru við Upptyppinga.

2. maí
36 skjálftar mældust, þar af voru 18 við Upptyppinga. 4 skjálftar mældust um 7 km ANA af Geldinganesi. 1 skjálfti mældist rétt sunnan við Grímsvötn.

3. maí
54 skjálftar mældust, þar af voru 30 við Upptyppinga. Svolítil hrina var um 80 km NNV af Grímsey, en þar mældust 4 skjálftar rétt fyrir miðnætti. 4 skjálftar mældust einnig um 7 km ANA af Geldinganesi. 1 skjálfti mældist í Kverkfjöllum

4. maí
62 skjálftar mældust. Hrinan sem hófst 3. maí kl. 23:35 um 80 km NNV af Grímsey hélt áfram til kl 07:26. Frá miðnætti mældust 14 skjálftar í hrinunni og mældust því alls 18 skjálftar í þessari hrinu. Stærsti skjálftinn var 2,8 af stærð.
Við Upptyppinga mældust 29 skjálftar. 1 skjálfti mældist við Öræfajökul.

5. maí
19 skjálftar mældust, þar af 12 við Upptyppinga.

6. maí, kl. 14:00
48 skjálftar mældust, þar af voru 26 skjálftar við Upptyppinga. Einnig voru 3 skjálftar um 18 km suður af Herðubreiðarlindum

Hjörleifur Sveinbjörnsson