Veðurstofa Íslands
Jarðeðlissvið

Jarðskjálftar 20070709 - 20070715, vika 28

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Í þessari viku voru staðsettir 266 jarðskjálftar. Um 44% þeirra urðu við Upptyppinga á norðaustur hálendinu. Skjálftarnir sem mældust voru að stærð frá -0,2 til 3,7. Sá stærsti varð kl. 07:42:14, þann 09. júlí með upptök við Krísuvík á Reykjanesskaga. Skjálftinn fannst í Reykjanesbæ. Að auki mældust 5 sprengingar eða líklegar sprengingar, við hin ýmsu vinnusvæði um allt land. Sjá línurit af jarðskjálftavirkninni í viku 28.

Eftir þessa viku er heildarfjöldi jarðskjálfta sem hafa mælst með SIL jarðskjálftamælakerfinu á þessu ári orðinn 7.450.

Suðurland

Í vikunni mældust 10 jarðskjálftar á Suðurlandi og sá stærsti mældist 1,2. Á Reykjanesskaga urðu 22 skjálftar. Sá stærsti mældist 3,7. Á Hengilsvæðinu urðu 20 jarðskjálftar á stærðarbilinu -0,2 til 1,7.

Norðurland

Á Norðurlandi urðu 49 jarðskjálftar og sá stærsti mældist 2,8.

Hálendið

Yfir 118 smáskjálftar mældust við Upptyppinga austan við Öskju. Virkni á þessu svæði hefur mælst af og til síðan í apríl.

Í viku 28 varð einn jarðskjálfti 5,7 km austur af Hamrinum og annar við Kistufell.

Mýrdalsjökull

Undir Mýrdalsjökli urðu 13 jarðskjálftar og sá stærsti mældist 1,9. Flestir skjálftarnir urðu við Goðabungu, rétt vestur af Kötluöskjunni.

Þá mældist einn smáskjálfti í Eyjafjallajökli.

Nokkrir skjálftar mældust á Torfajökulssvæðinu og eru staðsetningar margra þeirra fremur illa ákvarðaðar.

Matthew J. Roberts