	Veðurstofa Íslands Jarðeðlissvið

Jarðskjálftar 20081201 - 20081207, vika 49

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Hér er hægt að sjá kort með viðmiðum sem notuð eru í skjálftatöflum og lýsingum á virkninni.

310 skjálftar mældust í vikunni.
Helst ber að nefna skjálftahrinu við Kistufell, norðan Vatnajökuls, sem hófst 3. des. Stærstu skjálftarnir voru um 3Ml af stærð. Flestir skjálftanna urðu þann 3. des, eða 39, en þann 4. mældust aðeins 7 á þessu svæði og einn skjálfti á dag út vikuna, alls 49 skjálftar í vikunni.

Þann 5. des hófst smáskjálftahrina út á Reykjaneshrygg. Hrinan stóð stutt yfir og var að mestu lokið morguninn eftir.

Laugardaginn 6. desember varð skjálfti við Skálafell sem fékk Ml stærðina 3,6 eftir fyrstu yfirferð, en Ml 3,4 eftir frekari yfirferð. Önnur reikningsaðferð gefur stærðina 3,8 eins og sjá má í skjálftalistanum sem fylgir kortinu hér að ofan. Skjálftinn er nr. 259 í listanum.

Í Mýrdalsjökli mældust 9 skjálftar og 4 skjálftar urðu nálægt Landmannalaugum (sjá Mýrdalsjökulskort hér að ofan).
Norður af landinu voru staðsettir 46 skjálftar. Einn skjálfti mældist við Kröflu. 2 skjálftar við Öskju. 21 skjálfti var norðan við Upptyppinga og voru þeir á 5-8,5km dýpi. Rétt vestan við Herðubreiðartögl voru 8 skjálftar og 2 skjálftar rétt norður af Herðubreið. 4 skjálftar voru við Bárðarbungu og einn í Kverkfjöllum. Einn skjálfti varð rétt við Vestari Skaftárketil í Vatnajökli og einn skjálfti um 3 km ANA af Grímsfjalli.

Lýsing á virkninni dag fyrir dag má lesa hér að neðan.

Mánudagur, 1. des
31. skjálfti mældist. Virknin var mest í Ölfusi, en þar mældust 9 skjálftar. Í Axarfirði mældust 7 skjálftar. Við Herðubreiðartögl mældust 4 og 3 rétt norðan við Upptyppinga.
Þriðjudagur, 2. des
32 skjálftar mældust. 12 skjálftar í Ölfusi, 8 í Axarfirði og 7 skjálftar mældust 20-40 km norður af Siglufirði.
Miðvikudagur, 3. des
72 skjálftar mældust.
Hrina skjálfta hófst kl. 12:20 við við Kistufell, rétt norðan Vatnajökuls. Fyrsta hálftímann mældust 13 skjálftar, en eftir það tók að draga úr virkninni, 39 skjálftar hafa mælst á þessu svæði. Stærstu skjálftarnir eru um 3 af stærð.
Um 5-6 km SV af Árnesi hafa mælst 5 skjaltar, í Axarfirði hafa mælst 4 skjálftar. 3 skjáfltar voru í Krísuvík, 7 rétt norðan við Upptyppinga og 3 um 6 km SSV af Skálafelli.
Fimmtudagur, 4. des
27 skjálftar mældust.
Heldur hefur dregið úr virkninni við Kistufell, en 7 skjálftar mældust þar í dag, en síðan í gær eru skjálftarnir orðnir alls 46 á þessu svæði.
Föstudagur, 5. des
71 skjálfti mældist í dag.
Mest hefur virknin verið út á Reykjaneshrygg á svæðinu við Eldeyjardrang og Geirfuglasker, en þar mældust 29 skjálftar.
Aðeins einn skjálfti mældist við Kistufell. 13 skjálftar hafa mælst í Ölfusi og 5 við Skálafell og 4 um 4,5 km NNV af Þjórsárbrú.
Laugardagur, 6. des
40 skjálftar mældust.
Skjálfti af stærðinni 3,6 varð kl. 14:16. Hann átti upptök sín við Skálafell á Hellisheiði, eða um 10 km beint norður af Þorlákshöfn.
Skjálftans varð víða vart og bárust tilkynningar í gegnum vef Veðurstofunnar m.a. frá Stokkseyri, Selfossi, Hveragerði, Þorlákshöfn, Reykjavík, Kópavogi, Hafnarfirði og Álftanesi.
Skv. tilkynningunum virðist ekki um mikið tjón að ræða vegna skjálftans, en húsmunir hristust og fólk fann fyrir bylgjum í gólfinu.
Eftirskjálftavirkni hefur ekki verið mikil, en smáskjálftar hafa verið algengir í Skálafelli undanfarna mánuði.
Skjálftar á Reykjaneshrygg hafa haldið áfram, en 11 skjálftar mældust þar í dag.
Sunnudagur, 7. des, kl. 14:38
Skjálftavirkni hefur verið með rólegra mótinu í dag, en 17 skjálftar hafa mælst víðsvegar um landið í dag. Við Skálafell hafa aðeins orðið 2 litlir skjálftar þegar þetta er skrifað.
Stærsti skjálftinn sem komið hefur í dag, var við Kistufell og var hann 2,0Ml af stærð.

Hjörleifur Sveinbjörnsson