Veðurstofa Íslands
Jarðeðlissvið

Jarðskjálftar 20090119 - 20090125, vika 04

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

239 atburðir (skjálftar og sprengingar) hafa verið staðsettir 19.-25. janúar.

Suðurland

Flestir skjálftarnir á Suðurlandi urðu á Kross-sprungunni, en einnig á Hjallahverfi og á Hengilssvæði. Fáeinir skjálftar mældust í Ingólfsfjalli, tveir á Hestvatnssprungu (frá 21. júní 2000) og tveir rétt austan Holtasrpungunnar (frá 17. júní 2000). Þá mældist einn grunnur skjálfti að stærð 0,9 undir Heklu snemma morguns 21. janúar, en ekki varð vart við frekari virkni þar þessa vikuna.

Reykjanesskagi

Enn var nokkuð um virkni undir Kleifarvatni og allt austur að Núpshlíðarhálsi en óvenju mikil smáskjálftavirkni hefur mælst á þessu svæði það sem af er þessu ári. (vika 1)

Norðurland

Smáhrina 11 skjálfta varð N af Grímsey 19. -20. janúar.

Hálendið

Þrír skjálftar mældust 12-13 km SV af Hveravöllum og 7 skjálftar á stærðarbilinu 1,7-2,8 voru einnig staðsettir undir vestanverðum Geitlandsjökli 21.-22. janúar. Síðasta hrina á þessu svæði varð í maí á síðasta ári, þá í sunnanverðum Þórisjökli.

Enn mælast litlir (ML 0,2-1) skjálftar undir Hlaupfelli (norðan Upptyppinga) og líkt og í síðustu viku mældust margir litlir og grunnir (3-5 km dýpi) skjálftar rétt sunnan Herðubreiðar. Einn grunnur skjálfti mældist undir Öskjuvatni og annar lítill (5-6 km dýpi) NV öskjunnar.

Sex skjálftar voru staðsettir í NA-hlíðum Bárðarbungu, tveir til viðbótar nærri Kistufelli (við jökuljaðarinn), og einn 5.4 km ANA af Hamrinum.

Mýrdalsjökull

Sigurlaug Hjaltadóttir