	Veðurstofa Íslands Jarðeðlissvið

Jarðskjálftar 20090406 - 20090412, vika 15

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í þessari viku voru staðsettir 302 jarðskjálftar. Um 52% þeirra urðu á Norðurlandi. Skjálftarnir sem mældust voru af stærðinni M_l -0,9 til 2,9. Sá stærsti varð kl. 23:25:23 þann 6. apríl á Reykjaneshrygg. Að auki mældust 14 sprengingar eða líklegar sprengingar við hin ýmsu vinnusvæði um allt land (tveir í Helguvík og 12 upp af Seljalandi).

Suðurland

Í vikunni mældust samtals 60 jarðskjálftar á Suðurlandi og sá stærsti mældist M_l 1,4. Á Hengilsvæðinu urðu 50 jarðskjálftar á stærðarbilinu M_l -0,9 til 1,4. Flestir skjálftarnir voru eftirskjálftar eftir Suðurlandsskjálftann í lok maí 2008.

Reykjanesskagi

Á Reykjanesskaga urðu 19 jarðskjálftar. Sá stærsti mældist M_l 2,0 (M_lw 2,9). Hann varð kl. 21:17:46 þann 10. apríl með upptök ~4 km norður af Grindavík og bárust Veðurstofunni þrjár tilkynningar um að skjálftinn hefði fundist þar.

Norðurland

Í Tjörnesbrotabeltinu mældust 157 jarðskjálftar. Skjálftavirkni, sem hófst suðaustan við Flatey á Skjálfanda þann 18. mars, hélt áfram í vikunni. Yfir 100 smáskjálftar mældust og sá stærsti mældist M_l 1,5. Tíu jarðskjálftar mældist norðaustan við Grímsey, þeir stærstu um M_l 2,0.

Hálendið

Um 33 jarðskjálftar voru staðsettir á Öskjusvæðinu. Skjálftarnir voru af stærðinni M_l -0,2 til 1,6. Í 15. viku mældust 14 jarðskjálftar undir norðvesturhluta Vatnajökuls. Skjálftarnir voru af stærðinni M_l 1,7 til 2,3. Þann 7. apríl var ísskjálftavirkni í Skeiðarárjökli, líklega vegna úrhellisrigningar.

Mýrdalsjökull

Undir Mýrdalsjökli urðu 4 jarðskjálftar á stærðarbilinu M_l 0,5 til 1,8.

Fjórir jarðskjálftar voru staðsettir á Torfajökulssvæðinu. Skjálftarnir voru af stærðinni M_l 1,4 til 1,9.

Matthew J. Roberts