Veðurstofa Íslands
Jarðeðlissvið

Jarðskjálftar 20100125 - 20100131, vika 04

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Í vikunni voru 264 jarðskjálftar staðsettir og nokkrar óstaðfestar sprengingar. Skjálftahrinan austur af Grímsey hélt áfram fyrstu dagana og virkni mældist áfram undir Eyjafjallajökli alla vikuna.

Suðurland

Lítil skjálftavirkni mældist á Suðurlandi. Á annan tug smáskjálfta voru staðsettir á Krosssprungunni. Aðeins fáeinir skjálftar mældust á Suðurlandsundirlendinu.

Reykjanesskagi

Nánast engin skjálftavirkni mældist á Reykjanesskaganum. Á Reykjaneshrygg mældust samtals tíu skjálftar við Eldey, Geirfuglasker og Eldeyjarboða.

Norðurland

Skjálftahrinan sem hófst 18. janúar austan við Grímsey hélt áfram fyrstu daga vikunnar. Um 80 skjálftar mældust, þar af 65 miðvikudaginn 27. janúar. Stærstu skjálftarnir voru um 2,5 stig. Önnur virkni norður af landinu var lítil og dreifð.

Hálendið

Um tuttugu jarðskjálftar mældust undir Vatnajökli. Mesta virknin var milli Bárðarbungu og Kistufells. Einnig mældust nokkrir skjálftar við Grímsvötn.
Svipaður fjöldi mældist norðan við Vatnajökul, við Öskju og Herðubreið.
Tveir smáskjálftar mældust á Kröflusvæðinu.

Mýrdals- og Eyjafjallajökull

Um tíu skjálftar mældust undir Mýrdalsjökli, flestir við Goðabungu. Virknin undir Eyjafjallajökli hélt áfram og voru yfir 70 skjálftar staðsettir í vikunni.

Bergþóra S. Þorbjarnardóttir