	Veðurstofa Íslands Jarðeðlissvið

Jarðskjálftar 20100816 - 20100822, vika 33

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Búið er að staðsetja 235 skjálfta í þessari viku.Stærsti skjálfti vikunnar varð í Bárðarbungu að morgni 19. ágúst, 3,4 að stærð, en þar mældust um 70 skjálftar.

Suðurland

Þrír litlir skjálftar voru staðsettir við Ölkelduháls. Annars var skjálftavirkni í Suðurlandsbrotabeltinu fremur lítil og dreifð, skjálftar mældust frá Hjallahverfi allt austur að Selsundssprungu (Næfurholti).

Reykjanesskagi

Lítið virkni var á Reykjanesskaga, þar mældust átta skjálftar: einn austur af Fagradalsfjalli, einn í Núpshlíðarhálsi, tveir í Sveifluhálsi, einn rétt austan Kleifarvatns, tveif í grennd við Bláfjöll/Brennisteinsfjöll og einn vestan Geitafells. Aðeins tveir skjáfltar voru staðsettir úti á Reykjaneshrygg.

Norðurland

17.-18. ágúst varð lítil hrina (13 skjálftar) á Skjálfanda um, 8,5 km NV af Húsavík; allir skjáfltarnir voru undir tveimur að stærð. Um 25 skjálftar urðu nærri Grímsey (N, A og SSA af Grímsey Átta skjálftar voru staðsettir í nágrenni við Mývatn. Þá mældist einn skjálfti á Tröllaskaga og fjórir utan mynnis Eyjafjarðar.

Hálendið

Einn skjálfti var staðsettur í Geitlandsjökli og einn vestan Sandvatns (S af Langjökli. Þrír skjálftar voru staðsettir vestan Öskjuvatns í Dyngjufjöllum og nokkrir í kringum Herðubreiðartögl. Í norðvestanverðum Vatnajökli voru 73 skjálftar staðsettir, einn við Grímsvötn en flestir NV við Bárðarbungu. Þar varð stærsti skjálfti vikunnar, Ml 3,4, að morgni 19. ágúst.

Mýrdalsjökull

Í Eyjafjallajökli voru staðsettir fimm litlir skjálftar (flestir grunnir) en 20 í Mýrdalsjökli, flestir þeirra vestur af Goðabungu. Mun fleiri skjálftar greindust á mælinum á Goðabungu en ekki á öðrum stöðvum og voru þeir því ekki allir staðsettir.

Sigurlaug Hjaltadóttir og Einar Kjartansson