Veðurstofa Íslands
Jarðeðlissvið

Jarðskjálftar 20110919 - 20110925, vika 38

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Yfir 750 jarðskjálftar voru staðsettir sjálfvirkt í vikunni. Búið er að yfirfara um 450 staðsetningar. Skjálftarnir sem mældust voru af stærðinni Ml -0,7 til 3,4. Alls mældust 10 jarðskjálftar af stærð um eða yfir 2,5. Sá stærsti varð kl. 15:22:46 þann 23. september með upptök ~2,0 km N af Hellisheiðarvirkjun.

Suðurland

Við Húsmúla á Hellisheiði mældust nokkrir hundruð smáskjálftar sem urðu vegna niðurdælingar vatns við Hellisheiðarvirkjun. Stærsti jarðskjálftinn í þeirri hrinu var af stærðnni 3,4, kl. 15:22:46 þann 23. september með upptök ~2,0 km N af Hellisheiðarvirkjun. Hann fannst vel í Hveragerði, Mosfellsbæ og víðar.

Á Suðurlandsundirlendinu mældust 37 jarðskjálftar á stærðarbilinu Ml -0,6 til 1,6, flestir með upptök á sprungunum frá 2000 og 2008.

Reykjanesskagi

Á Reykjanesskaga mældust um 14 jarðskjálftar. Sá stærsti var af stærðinni Ml 1,4 á ríflega 9,4 km dýpi.

Norðurland

Í Tjörnesbrotabeltinu mældust 37 jarðskjálftar. Rúmlega 15 jarðskjálftar mældust í Öxarfirði.

Jarðskjálfti af stærðinni 2,4 varð kl. 01:03:27 þann 23. september með upptök 10 km NA af Varmahlíð. Sá jarðskjálfti fannst í nágrenni við upptökusvæðið.

Hálendið

Tæplega 23 jarðskjálftar mældust við Öskju, Herðubreið og Herðubreiðartögl á stærðarbilinu Ml -0,2 til 1,5.

Mýrdalsjökull

Í 38. viku mældust 92 jarðskjálftar undir Mýrdalsjökli á stærðarbilinu Ml 0,3 til 3,0. Flestir voru innan öskjunnar.

Matthew J. Roberts