	Veðurstofa Íslands Jarðeðlissvið

Jarðskjálftar 20120220 - 20120226, vika 08

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni mældust 352 skjálftar. Sá stærsti, austan við Grímsey, mældist af stærð Ml 2,3. Einn jarðskjálfti af stærð Ml 2,6 mældist um 250-300 kílómetra norður af landinu. Flestir skjálftar mældust á föstudag og laugardag, en þá urðu tvær hrinur við Húsmúla. Sú fyrri hófst klukkan 16:30 á föstudag og stóð í tæpa fjóra tíma, en sú seinni var áköfust á milli fimm og hálf níu á laugardagsmorgun. Ríflega helmingur skjálfta vikunnar mældust í þessum tveimur hrinum.

Reykjanesskagi

Tveir smáskjálftar mældust við Kleifarvatn og einn við Núpshlíðarháls. Tveir smáskjálftar mældust austan við Helgafell, einn undir Vífilsfelli og einn sunnan við Heiðina há.

Suðurland

Eins og fyrr segir mældust tvær hrinur við Húsmúla, en alls mældust þar ríflega 180 skjálftar, sá stærsti af stærð Ml 1,9. Fimm skjálftar mældust í nágrenni við Ölkelduháls og einn nálægt Raufarhólshelli. Nokkrir skjálftar mældust á Krosssprungunni. Á Suðurlandsundirlendi mældust sjö smáskjálftar dreifðir allt frá rétt austan við Selfoss og að Selsundi við Heklurætur.

Norðurland

Í Tjörnesbrotabeltinu mældust alls 37 skjálftar, þar af 11 austan við Grímsey, en þar mældist stærsti skjálftinn þessa vikuna. Auk þess mældist einn skjálfti við Bjarnarflag og fimm við Kröflu.

Hálendið

Við Herðubreið og Öskju mældust 21 jarðskjálfti í vikunni, sá stærsti af stærð Ml 1,3. Í Kverkfjöllum mældust fjórir skjálftar, sá stærsti Ml 1,3. Nokkrir smáskjálftar mældust austan við Bárðarbungu og tveir í nágrenni Kistufells. Á Torfajökulssvæðinu mældust 16 skjálftar, sá stærsti af stærð Ml 1,2. Erfitt var að staðsetja marga þessara skjálfta og því lenda þeir nokkuð dreift um svæðið. Einn skjálfti af stærð Ml 1,2 mældist tæpum 20 kílómetrum norðan við Hofsjökuls.

Mýrdalsjökull

Í vikunni mældust 44 skjálftar undir Mýrdalsjökli, sá stærsti af stærð Ml 1,8. Þar af voru 29 skjálftar undir Kötluöskjunni, en fjórir smáskjálftar mældust við Hafursárjökul og nokkrir við Goðaland.

Steinunn S. Jakobsdóttir