	Veðurstofa Íslands Jarðeðlissvið

Jarðskjálftar 20120319 - 20120325, vika 12

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 170 jarðskjálftar voru staðsettir í vikunni. Smáhrinur voru við Krýsuvík og Herðubreiðartögl. Níu jarðskjálftar áttu upptök um 7 km norðvestur af Húsavík. Undir Myrdalsjökli mældust 25 jarðskjálftar. Tvær sprengingar eða líklegar sprengingar mældust í vikunni.

Suðurland

Á Hengilssvæðinu mældust 5 jarðskjálftar og í Ölfusinu 6 jarðskjálftar og voru þeir allir minni en 0,6 að stærð.
Á Suðurlandi mældust fáeinir smáskjálftar við Hestfjall, í Holtum og í Landsveit, allir undir 0,9 að stærð.

Reykjanesskagi

Á Reykjaneshrygg mældust 3 jarðskjálftar. Einn við Geirfugladrang að stærð 2 og tveir skjálftar að stærð einum með upptök um 6 km vestur af Reykjanestá.
Þann 20. mars varð smáhrina með um 13 skjálftum með upptök við Krýsuvík. Þrír stærstu skjálftarnir í hrinunni voru að stærð 1,7.

Norðurland

Úti fyrir Norðurlandi á svonenfdu Tjörnesbrotabelti mældust 48 jarðskjálftar. Upptök flestra þeirr voru á Húsavíkur-Flateyjarmisgenginu og á Grímseyjarbeltinu milli Grímseyjar og Öxarfjarðar. Stærstu tveir skjálftarnir voru um 2,2 að stærð. Annar um 13 km norðaustur af Grímsey en hinn um 7 km norðvestur af Húsavík en þar mældust 9 jarðskjálftar, einn þann 19.mars og 4 dgana 22. og 24. mars.
Tveir skjálftar, báðir um 1 að stærð mældust við Trölladal norðan Ljósvatnsskarðs á Flateyjarskaga. Tveir smáskjálftar mældust við Kröflu og einn við Námaskarð.
Einn skjálfti að stærð 2,1 mældist á Kolbeinseyjarhrygg um 170 km norður af Kolbeinsey.

Hálendið

Undir og við Vatnajökul mældust 16 jarðskjálftar. Þar af voru 3 ísskjálftar í Skeiðarárjökli, sá stærsti 1,6 að stærð. Við Lokahrygg mældust 2 jarðskjálftar og flestir hinna norðaustan við Bárðarbungu og við Kistufelli og voru þeir alli undir 1 að stærð.
Við Öskju og Herðubreið mældust 27 jarðskjálftar. Upptök flestra var í skjálftahrinu við Herðubreiðartögl dagan 21. og 23. mars og þar mældist stærsti skjálftinn á svæðinu að stærð 1,5 þann 23. mars.
Stakir jarðskjálftar mældust í Langjökli, við Þórisjökul og Tungnafellsjökul.
Tveir jarðskjálftar mældust við Sultartanga 22. og 24. mars. Sá fyrri 0,9 að stærð en hinn 0.6 að stærð.

Mýrdalsjökull

Undir Mýrdalsjökli mældust 25 jarðskjálftar. Stærsti skjálftinn var 1,9 að stærð undir vestanverðum jöklinum, við Goðabungu þann 21. mars. Undir Kötluöskjunni mældut um 13 jarðskjálftar, allir minni en 1,3 að stærð. Við Hafursárjökul voru 2 jarðskjálftar og einn litlu norðar og þeir voru allir minni en 0,6 að stærð.
Tveir jarðskjálftar mældust á Torfajökulssvæðinu.

Gunnar B. Guðmundsson