	Veðurstofa Íslands Jarðeðlissvið

Jarðskjálftar 20120423 - 20120429, vika 17

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

435 skjálftar mældust í vikunni, þar af voru rúmlega 200 NV af Hellisheiðarvirkjun, sem er framhald af þeirri skjálftavirkni sem hefur verið viðvarandi á svæðinu og er tengd við niðurdælingu Orkuveitunnar við Húsmúla. Mest af skjálftunum urðu í hrinu þann 25. apríl. Á föstudagsmorguninn varð skammlíf skjálftahrina við Geirfugladrang á Reykjaneshrygg, þar varð stærsti skjálfti vikunnar, um kl. 09:46 þann 27. mars, 3.3 M_l að stærð. Talsverð skjálftavirkni var á Tjörnes-brotabeltinu. Um 108 skjálftar voru mældir á öllu svæðinu. Mesta virknin var á Skjálfanda við Húsavík þar sem mældust 24 skjálftar, í Öxarfirði mældust um 30 skjálftar og norðaustan við Grímsey mældust 9 skjálftar. Meiri virkni var í Mýrdalsjökli en undanfarnar vikur en þar mældust um 40 skjálftar.

Suðurland

Á Suðurlandi var mest virkni á Hellisheiði. Rúmlega 200 NV af Hellisheiðarvirkjun, sem er framhald af þeirri skjálftavirkni sem hefur verið viðvarandi á svæðinu og er tengd við niðurdælingu Orkuveitunnar við Húsmúla. Stærsti skjálftinn var 2.3 M_l að stærð en annars voru skjálftarnir flestir undir einum að stærð.
Hér má sjá mynd með afstæðum staðsetningum jarðskjálfta við Húsmúla frá byrjun september 2011 og fram til loka apríl 2012. Stjörnurnar sýna upptök skjálfta að stærð 4 að morgni 15. októbers 2011. Að Húsmúla undanskildum var lítil virkni á Suðurlandi, þó urðu nokkrir skjálftar í lítlli hrinu í Landsveit 3-4 km norðan við Galtalæk þann 23. apríl á um 5-6 km dýpi.

Reykjanesskagi

Lítil virkni var á Reykjanesi nema við Kleifarvatn þar sem mældust um 12 skjálftar flestir undir suðurenda vatnsins á um 5 km dýpi.

Norðurland

Talsverð skjálftavirkni varð á Tjörnes-brotabeltinu. 108 skjálftar voru mældir á svæðinu og þar af voru 24 á Skjálfanda við Húsavík, 31 mældist í Öxarfirði og 9 við Grímsey. Stærstu skjálftarnir náðu stærð 2 M_l en annars voru skjálftarnir frekar litlir, um einn að meðaltali.

Hálendið

Mest virkni á hálendinu var við Herðubreið. 31 skjálfti mældist á svæðinu umhverfis Dyngjufjöll og Herðubreið og voru langflestir þeirra rétt suðvestan við Herðubreið. Einn skjálfti mældist í Öskju við austurendann á Öskjuvatni á um fjögurra kílómetra dýpi að stærð 1.2 M_l. Einnig mældust tveir skjálftar norðan við Vaðöldu á um 22 km dýpi.

Mýrdalsjökull

Meiri virkni var í Mýrdalsjökli en undanfarnar vikur. Mest var virknin innan öskjunnar, sunnan við Austmannsbungu og þar varð stærsti skjálftinn, 2.2 M_l að stærð. Við Goðaland var einnig nokkur virkni og við Hafursárjökul mældust nokkrir skjálftar. Fjórir skjálftar mældust á Torfajökulssvæðinu.

Benedikt G. Ófeigsson