	Veðurstofa Íslands Jarðeðlissvið

Jarðskjálftar 20120604 - 20120610, vika 23

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 270 jarðskjálftar voru staðsettir með SIL mælakerfi Veðurstofunnar í vikunni 4. til 10. júní. Flestir skjálftar urðu fyrir norðan land og í Mýrdalsjökli. Stærsti varð þann 7. júní norður af Hábungu í Kötluöskju, Ml 3 að stærð.

Reykjaneshryggur og -skagi

Nokkrir jarðskjálftar af stærðinni Ml 1,5 - 2,5 mældust út á Reykjaneshrygg. Á Reykjanesskaga mældust aðeins um 15 smáskjálftar, allir innan við Ml 2 að stærð, flestir á Krýsuvíkursvæðinu.

Suðurland

Tæplega 50 smáskjálftar mældust á Suðurlandi. Þar af voru fjórir við Húsmúla. Upptök skjálfta á Suðurlandsundirlendinu voru á þekktum sprungum.

Mýrdalsjökull

Yfir 50 jarðskjálftar mældust innan Kötluöskju í vikunni. Smáhrina með 15 skjálftum varð um hádegi þann 7. júní norður af Hábungu. Stærstu skjálftarnir urðu kl. 11:57, Ml 3 að stærð, og kl. 12:45, 2,4 að stærð. Aðrir voru innan við Ml 2. Tugur skjálfta mældist undir vestanverðum jöklinum og svipaður fjöldi við Hafursárjökul.
Um tugur skjálfta mældist í Torfajökulsöskjunni.

Hálendið

Á hálendinu var fremur rólegt í þessari viku. Í nágrenni Herðubreiðar mældust 16 smáskjálftar og tveir austan Öskju. Aðeins 13 jarðskjálftar mældust undir Vatnajökli, þar af sjö við Kistufell og þrír við Hamarinn, allir innan við Ml 2 að stærð. Sjö smáskjálftar voru staðsettir norðvestan Tungnafellsjökuls, sex þriðjudaginn 5. júní og einn 7. júní. Þrír smáskjálftar mældust suðaustan í Tungnafellsjökli 10. júní. Tveir skjálftar mældust sunnan Langjökuls.

Norðurland

Í Tjörnesbrotabeltinu mældust um 60 jarðskjálftar. Yfir tuttugu voru staðsettir í Öxarfirði og um 15 í Skjálfandaflóa. Nokkrir skjálftar mældust á svæðinu kringum Grímsey. Stærsti skjálftinn var Ml 2,2 að stærð með upptök austan Flateyjar.

Martin Hensch