Veðurstofa Íslands Jarðeðlissvið

Jarðskjálftar 20121022 - 20121028, vika 43

[Skjálftalisti]

[Fyrri vika]

[Næsta vika]

[Aðrar vikur]

[Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

Lýsing á skjálftavirkni vikunnar

Í vikunni sem leið hefur skjálftahrinan á Norðurlandi haldið áfram (22.-28. október) en þó farið minnkandi eftir því sem leið á vikuna. Eftir skjálfta af stærðinni 5,6 á sunnudagsnóttina 21. október, og áframhaldandi öflugri skjálftahrinu á sunnudag um 20 km norðnorðaustur af Siglufirði, hélt talsverð virkni áfram á mánudag og þriðjudag. Þróunin á virkninni var til austurs eftir Húsavíkur-Flateyjarmisgenginu. Skjálftar upp á um 3,9 mældust kl 5:25 og 5:32 þann 22.október og kl 5:27 þann 23. október var skjálfti af stærðinni 4,0 á svipuðum slóðum og 5,6 skjálftinn. Þegar leið á þriðjudag fór að bera á skjálftavirkni 5 km norðvestan við Gjögurtá og kl. 23:38 þann 23. október mældist skjálfti af stærðinni 3,1 og kl 22:20 þann 24. október mældist skjálfti af stærðinni 3,1. Þróunin í skjálftavirkninni í vikunni hefur verið í þá átt að svæðið fyrir mynni Eyjafjarðar (milli Siglufjarðar og Gjögurtáar) þar sem lítil virkni hefur verið, er að minnka. Þ.e. virknin hefur færst til austurs eftir Húsavíkur-Flateyjar misgenginu að vestan og vestur eftir því út frá Gjögurtá að austan.

Í Kverkfjöllum var skjálftahrina framan af vikunni um 28 skjálftar mældust við Kverkfjöll sá stærsti um 3 að stærð. Seinni hluta vikunnar hefur verið nokkur virkni í Dyngjufjöllum og á Suðurlandi voru skjálftar við Raufarhólshelli og vestan við Sveifluháls. Virkni í Mýrdalsjökli var með minna móti þessa vikuna.

Suðurland

Reykjanesskagi

Norðurland

Hálendið

Mýrdalsjökull

Benedikt Gunnar Ófeigsson