	Veðurstofa Íslands Jarðeðlissvið

Jarðskjálftar 20121119 - 20121125, vika 47

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni voru staðsettir 219 jarðskjálftar. Um helmingur þeirra var fyrir utan mynni Eyjafjarðar. Þar sem næmni mælakerfisins er breytileg eftir svæðum, fæst réttari mynd af virkninni með því að líta á skjálfta af stærð M 1,0 og stærri, en tveir þriðju þeirra voru við mynni Eyjafjarðar.

Suðurland

Á Hengilsvæðinu mældust 12 litlir sjálftar, við Húsmúla, Nesjavelli og Hrómundartind. Tveir skjálftar mældust sunnan Langjökuls og 13 annarsstaðar á Suðurlandi.

Reykjanesskagi

Suður af Geirfugladrangi á Reykjaneshrygg mældust 13 jarðskjálftar og 15 í næsta nágrenni Krísuvíkur. Sá stærsti var rúmlega tveir að stærð, klukkan 19:21 þann 23. nóvember. Aðrir skjálftar á svæðinu voru undir einum að stærð.

Norðurland

Úti fyrir Norðurlandi voru staðsettir 104 jarðskjálftar, langflestir út af mynni Eyjafjarðar en fimm voru í Axarfirði. Særsti skjálftinn var tæplega þrír að stærð, klukkan 8:30 þann 21. nóvember.

Hálendið

Í vikunni mældust tveir jarðskjálftar skammt NV af Esjufjöllum. Við Kistufell og Kverkfjöll voru staðsettir þrír sjálftar á hvorum stað og 13 annarsstaðar undir Vatnajökli. Hugsanlegt er að einhverjir þeirra tengist hlaupi úr Grímsvötnum sem náði hámarki mánudaginn 26. nóvember.

Mýrdalsjökull

Í vikunni voru staðsettir sex skjálftar undir Goðalandsjökli, sjö við Kötlu, fjórir á Fjallabakssvæðinu og einn nærri Dyrhólaey. Allir voru þessir skjálftar litlir.

Einar Kjartansson