	Veðurstofa Íslands Jarðeðlissvið

Jarðskjálftar 20121203 - 20121209, vika 49

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Fremur rólegt var í vikunni nema við Eyjafjörð, um 220 skjálftar mældust, þar af yfir 120 við mynni Eyjafjarðar. Stærsti skjálftinn varð 13,8 km ANA af Siglufirði þann 5. desember kl. 11:12 og mældist Ml 3,1 að stærð. Skjálftinn fannst á Siglufirði og í Fljótum. Þann 4. desember kl. 13:09 mældist skjálfti Ml 2,9 að stærð, sem einnig fannst á Siglufirði. Sjö af skjálftunum við Eyjafjarðarál voru á bilinu 2-3 en virknin á svæðinu hefur haldist fremur stöðug undanfarnar vikur, en þó talsvert minni en fyrstu tvær vikurnar eftir 5,6 skjálftann þann 21. október. Annars staðar á landinu var virknin lítil, þó varð skjálfti um 3,4 km SV af Hrómundartindi þann 8. desember kl. 7:57, sem fannst í Hveragerði, og var Ml 2,5 að stærð. Lítil virkni var í Mýrdalsjökli, um 24 skjálftar mældust í og við jökulinn.

Suðurland

Nánast engin virkni var á Suðurlandsundirlendinu en 16 skjálftar mældust í Ölfusi og á Hengilssvæðinu. Einn skjálfti fannst í Hveragerði. Hann var um 3,4 km SV af Hrómundartindi þann 8. desember kl. 7:57.

Reykjanesskagi

Lítil virkni var á Reykjanesi, fjórir skjálftar mældust við Núpshlíðarháls og fjórir á Reykjaneshrygg.

Norðurland

Um 150 skjálftar mældust á norðurlandi og þar af yfir 120 við mynni Eyjafjarðar. Stærsti skjálftinn varð 13,8 km ANA af Siglufirði þann 5. desember kl. 11:12 og mældist Ml 3,1 að stærð. Skjálftinn fannst á Siglufirði og í Fljótum. Þann 4. desember kl. 13:09 mældist skjálfti Ml 2,9 að stærð, sem einnig fannst á Siglufirði. Sjö af skjálftunum við Eyjafjarðarál voru á bilinu 2-3 en virknin á svæðinu hefur haldist fremur stöðug undanfarnar vikur, en þó talsvert minni en fyrstu tvær vikurnar eftir 5,6 skjálftann þann 21. október.

Hálendið

Rólegt var á hálendinu. Við Dyngjufjöll og Herðubreið mældust 11 skjálftar allir undir 2 og innan við 10 skjálftar mældust í Vatnajökli.

Mýrdalsjökull

Rólegt var í Mýrdalsjökli um 24 skjálftar mældust í jöklinum, meiri hlutinn við Goðaland.

Benedikt G. Ófeigsson