	Veðurstofa Íslands Jarðeðlissvið

Jarðskjálftar 20121217 - 20121223, vika 51

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 200 jarðskjálftar voru staðsettir í vikunni. Stærsti skjálftinn á landinu var 3,3 að stærð með upptök við Kistufell við norðvestanverðan Vatnajökul þann 18. desember kl. 02:55.

Suðurland

Á Hengilssvæðinu voru einungis 6 jarðskjálftar og þar af voru 3 við Húsmúla. Allir skjálftarnir voru undir 1,2 að stærð.
Í Ölfusinu mældust 4 smáskjálftar,allir minni en 0,7 að stærð. Þrír voru vestur af Hjallahverfinu og einn sunnan við Kaldaðarnes. Sunnan við Hestfjall voru 3 skjálftar, einn á Rangárvöllum , einn í Fljótshlíði og einn vestan við Vatnafjöll, allir undir 1,2 að stærð. Á Selvogsgrunni um 34 km suðsuðaustur af Þorlákshöfn voru 2 skjálftar, báðir 1,2 að stærð.

Reykjanesskagi

Á norðanverðum Reykjaneshrygg mældust 15 jarðskjálftar. Þar af voru 14 um 5-10 km frá Geirfugladrangi og mældist stærsti skjálftinn þar 2,3 stig. Einn skjálfti 3,3 að stærð var við sextugustu gráðu norður.

Á Reykjanesskaga mældust einungis 4 smáskjálftar. Tveir við sunnanvert Kleifarvatn og hinir við Fagradlasfjall og Bláfjöll. Þeir voru allir undir 0,5 að stærð.

Norðurland

Úti fyrir Norðurlandi mældust 84 jarðskjálftar. Þar af voru um 50 jarðskjálftar syðst í Eyjafjarðarál fyrir mynni Eyjafjarðar. Stærsti skjálftinn þar var 2,7 að stærð þann 17.12. kl. 02:10. Um 25 jarðskjálftar voru á Grímseyjarbeltinu, milli Grísmeyjar og Öxarfjarðar og var stærsti skjálftinn þar 1,7 að stærð.
Við Þeistareyki mældust 10 smáskjálftar, sá stærsti 1,2 að stærð. Við Kröflu voru 10 skjálftar, allir undir 0,6 að stærð. Tveir aðrir smáskjálftar voru við Mývatn, báðir minni en 0,2 að stærð.
Einn skjálfti um 2 að stærð var á Kolbeinseyjarhrygg um 100 km norðaustur af Kolbeinsey.

Hálendið

Undir og við Vatnajökul mældust 11 jarðskjálftar. Flestir þeirra voru við Kistufell og þar mældist stærsti skjálftinn 3,3 að stærð þann 18.12. kl. 02:55. Einn skjálfti var suðvestan við Kverkfjöll, 0,6 að stærð.
Milli Öskju og Herðubreiðar mældust 18 jarðskjálftar. Stærsti skjálftinn var 1,2 að stærð á um 22 km dýpi um 6 km austsuðaustur af Dreka.

Einn skjálfti var vestan við Bláfell, sunnan Langjökuls, 1,5 að stærð. Tveir skjálftar voru um 10 km norður af Geysii og var sá stærri 1,7 að stærð.

Mýrdalsjökull

Undir Mýrdalsjökli voru 17 jarðskjálftar. Þar af voru 9 skjálftar í Kötluöskjunni og voru upptök flestra þeirra við Austmannsbungu. Þeir voru allir undir 1,2 að stærð. Hinir skjálftarnir voru undir vestanverðum jöklinum við Goðabungu. Sá stærsti 1,9 að stærð.
Smáskjálfti var sunnan við Hafursárjökul og annar suðaustan við Kötlujökul.

Á Torfajökulssvæðinu mældust 11 jarðskjálftar. Sá stærsti var 1,3 að stærð með upptök um 3 km vestsuðvestur af Landmannalaugum.

Gunnar B, Guðmundsson