	Veðurstofa Íslands Jarðeðlissvið

Jarðskjálftar 20121224 - 20121230, vika 52

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Yfir 140 jarðskjálftar voru staðsettir með SIL mælakerfi Veðurstofunnar í vikunni. Flestir (um 26%) mældust í Tjörnesbrotabeltinu. Skjálftarnir sem mældust á landinu og umhverfis það voru af stærðinni M_l -0,3 til 2,8. Alls mældust sjö jarðskjálftar af stærð um eða yfir 2,0. Sá stærsti varð kl. 04:04:14 þann 28. desember með upptök um 20 km NNA af Siglufirði.

Á árinu 2012 voru tæplega 18 þúsund jarðskjálftar staðsettir með SIL jarðskjálftamælakerfinu.

Suðurland

Á Suðurlandsundirlendinu mældust 26 jarðskjálftar á stærðarbilinu M_l 0 til 2,2, flestir með upptök á sprungunum frá 2000 og 2008.

Við Húsmúla á Hellisheiði mældust yfir níu smáskjálftar. Stærsti jarðskjálftinn var af stærðnni 2,2, kl. 06:11:56 með upptök 2,8 km N af Hellisheiðarvirkjun.

Reykjanesskagi

Á Reykjanesskaga mældust um 12 jarðskjálftar. Sá stærsti var af stærðinni M_l 1,4 á ríflega 6,4 km dýpi.

Norðurland

Í Tjörnesbrotabeltinu mældust 58 jarðskjálftar. Rúmlega 24 jarðskjálftar mældust við mynni Eyjafjarðar en 15 voru í Öxarfirði. Stærsti jarðskjálftinn var af stærðnni 2,8, kl. 04:04:14 þann 28. desember.

Hálendið

Í Vatnajökli mældust 12 jarðskjálftar - við Kverkfjöll, Kistufell og Bárðarbungu. Skjálftarnir voru af stærðinni M_l 0,3 til 1,8.

Einn skjálfti að stærð M_l 0,7 varð í vesturhlíð Heklu kl. 04:00:21 þann 26. desember. Hekluskjálftinn sáust líka á þenslumæli í borholum SA af Heklu, um 5,5 km frá upptökusvæðinu.

Mýrdalsjökull

Í 52. viku mældust yfir 17 jarðskjálftar undir Mýrdalsjökli á stærðarbilinu M_l 0,1 til 1,6. Flestir voru innan Kötluöskjunnar.

Á Torfajökulssvæðinu mældust fimm jarðskjálftar. Stærsti skjálftinn þar var M_l 1,2 þann 27. desember kl. 17:55:49.

Matthew J. Roberts