	Veðurstofa Íslands Jarðeðlissvið

Jarðskjálftar 20130121 - 20130127, vika 04

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni voru staðsettir 207 jarðskjálftar og 2 líklegar sprengingar. Þrír stærstu skjálftarnir á landinu voru um 3 að stærð. Upptök þeirra voru undir norðvestanverðum Vatnajökli þann 23. janúar, við Trölladyngju á Reykjanesskaga aðfaranótt 25. janúar og fannst hann í Hafnarfirði og víða á höfuðborgarsvæðinu. Rétt fyrir miðnætti sama dag var skjálfti um 3 að stærð úti fyrir mynni Eyjafjarðar sem fannst á Siglufirði.

Suðurland

Við Húsmúla á Hengilssvæðinu voru 13 jarðskjálftar og allir undir 1,7 að stærð.
Tveir skjálftar voru við Hrómundartind. Sá seinni og stærri var 2,3 að stærð þann 26. janúar kl. 04:14 og fannst hann í Hveragerði.

Einungis 6 skjálftar voru á Suðurlandsundirlendinu og voru þeir allir um og undir einum að stærð. Upptök þeirra voru við Ingólfsfjall, við Hestfjall og í Landssveit.

Reykjanesskagi

Þann 25. janúar kl. 00:41 varð jarðskjálfti um 3 að stærð með upptök við Trölladyngju á Reykjanesskaga eða tæpa 4 km austnorðaustur af Keili. Skjálftinn fannst vel í Hafnarfirði og einnig víðar á höfuðborgarsvæðinu. Þrír eftirskjálftar mældust í kjölfarið, allir minni en 1,5 að stærð. Sjá hristikort.
Á Krýsuvíkursvæðinu voru 5 jarðskjálftar og voru þeir allir undir 1,5 að stærð.
Tveir smáskjálftar voru norður af Bláfjallaskála á Reykjanesskaga. Sá stærri var 1 að stærð.

Norðurland

Úti fyrir Norðurlandi mældust tæplega 50 jarðskjálftar. Þar af voru um 20 þeirra úti fyrir mynni Eyjafjarðar. Þar mældist stærsti skjálftinn 3,1 að stærð þann 25. janúar kl. 23:43 og fannst hann á Siglufirði.
Jarðskjálftar voru einnig á Grímseyjarbeltinu, frá Grímsey og inn í Öxarfjörð.
Tveir smáskjálftar voru á Kröflusvæðinu, sá stærri 0,3 að stærð.

Fjórir jarðskjálftar voru norður á Kolbeinseyjarhrygg allt frá 100 km til 400 km norður af Kolbeinsey. Stræstu skjálftarnir voru um 3 að stærð.

Hálendið

Undir og við Vatnajökul voru 73 jarðskjálftar. Flestir þeirra áttu upptök norðaustur af Bárðarbungu eða um 10 km suðvestur af Kistufelli. Stærsti skjálftinn þar var 3,1 að stærð þann 23. janúar kl. 04:50. Hinir voru allir undir 2 að stærð
Á Lokahrygg, um 5-6 km austur af Hamrinum voru 7 jarðskjálftar, sá stærsti 1,7 að stærð.
Fáeinir skjálftar voru við Kverkfjöll, við norðurbrún Dyngjujökuls og einn suðaustarlega í Breiðamerkurjökli.

Norður af Fjórðungsöldu á Sprengisandi mældust 8 jarðskjálftar. Þeir stærstu um 2 að stærð.

Fáir skjálftar voru við Öskju og Herðubreið.

Einn skjálfti var suðvestan við Skjaldbreið í vestara gosbeltinu. Hann var tæplega 0,5 að stærð.

Tveir jarðskjálftar áttu upptök suðaustan við Grjótárvatn á Mýrum á Snæfellsnesi. Þeir voru þann 21. janúar um kl. 00:29 og var sá stærri um 1,9 að stærð.

Mýrdalsjökull

Undir Mýrdalsjökli voru 17 jarðskjálftar. Þar af voru 7 skjálftar undir Kötluöskjunni og voru þeir allir undir einum að stærð. Einnig voru 7 skjálftar undir vesturhluta jökulsins og þeir stærstu um 1,3 að stærð. Við Hafursárjökul voru 3 smáskjálftar, allir minni en 1 að stærð.

Á Torfajökulssvæðinu voru 9 jarðskjálftar. Sá stærsti 1,8 að stærð þann 27. janúar kl. 23:27.

Gunnar B. Guðmundsson og Þórunn Skaftadóttir