	Veðurstofa Íslands Jarðeðlissvið

Jarðskjálftar 20130506 - 20130512, vika 19

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Yfir 1.000 jarðskjálftar mældust með SIL mælakerfi Veðurstofunnar í vikunni. Búið er að yfirfara um 590 jarðskjálfta. Flestir (um 78%) mældust í jarðskjálftahrinu á Reykjaneshrygg, um 30 km suðvestur af Reykjanestá. Skjálftarnir sem mældust voru af stærðinni M_l -0,6 til M_b 4,7. Sá stærsti varð kl. 19:20 þann 09. maí við Fuglaskerin á Reykjaneshrygg. Alls mældust 32 jarðskjálftar af stærð um eða yfir 3,0.

Suðurland

Á Suðurlandsundirlendinu mældust 16 jarðskjálftar á stærðarbilinu M_l -0,6 til 1,3, flestir með upptök á sprungunum frá 2000 og 2008.

Á Hellisheiði mældust 14 smáskjálftar. Stærsti jarðskjálftinn var af stærðnni M_l 2,5, kl. 04:43:03 þann 08. maí með upptök 4 km VSV af Hrómundartindi.

Reykjanesskagi

Á Reykjanesskaga mældust um 17 jarðskjálftar. Sá stærsti var af stærðinni M_l 1,1 á ríflega 4,3 km dýpi með upptök við Stóru-Sandvík.

Jarðskjálftahrina hófst 08. maí kl. 02 við Fuglaskerin á Reykjaneshrygg, í yfir 30 km fjarlægð frá landi. Hátt í 433 jarðskjálftar mældust frá fimmtudegi og fram á föstudag. Sex þeirra voru stærri en fjögur stig og um 23 milli þrjú og fjögur stig. Stærstur þeirra var M_b 4,7 samkvæmt European-Mediterranean Seismological Centre (EMSC). Allir skjálftar um og yfir 4 að stærð fundust á Suðurnesjum, höfuðborgarsvæðinu og á Akranesi og þeir stærstu einnig í Borgarfirði og á Suðurlandi. Upptök jarðskjálftahrinunnar var á flekaskilunum sem liggja um Reykjaneshrygginn.

Af veðsiðu EMSC:
2013-05-09 kl. 10:49:26 – M_b 4.2
2013-05-09 kl. 17:10:20 – M_b 4.5
2013-05-09 kl. 18:05:52 – M_b 4.2
2013-05-09 kl. 19:20:39 – M_b 4.7
2013-05-10 kl. 01:06:04 – M_b 4.2
2013-05-10 kl. 14:41:49 – M_b 4.0

Norðurland

Í Tjörnesbrotabeltinu mældust 42 jarðskjálftar. Rúmlega níu jarðskjálftar mældust úti fyrir mynni Eyjafjarðar en 35 voru í Öxarfirði. Stærsti jarðskjálftinn var af stærðnni 2,8 kl. 12:31:48 þann 07. maí með upptök um 19 km NNA af Siglufirði.

Hálendið

Í Vatnajökli mældust þrír jarðskjálftar – við Kistufell og norðurbrún Dyngjujökuls. Skjálftarnir voru af stærðinni M_l 0,2 til 1,5.

Mýrdalsjökull

Í 19. viku mældust yfir átta jarðskjálftar undir Mýrdalsjökli á stærðarbilinu M_l 0,8 til 1,3. Þar af voru þrír undir Kötluöskjunni og voru þeir allir undir einum að stærð. Einnig voru fjórir jarðskjálftar undir vesturhluta jökulsins og þeir stærstu um 0,7 að stærð.

Á Torfajökulssvæðinu mældust tveir jarðskjálftar. Stærsti skjálftinn þar var M_l 0,7 þann 05. febrúar kl. 05:16:14.

Matthew J. Roberts
Hjálp veittu Þórunn Skaftadóttir og Gunnar B. Guðmundsson

15. maí 2013