	Veðurstofa Íslands Jarðeðlissvið

Jarðskjálftar 20130520 - 20130526, vika 21

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Vikan var með rólegasta móti, 137 jarðskjálftar mældust. Um helmingur skjálftanna var fyrir norðan land, flestir austan Grímseyjar þar sem enn verða eftirskjálftar eftir skjálfta sem urðu þar í byrjun apríl. Virkni var einnig viðvarandi alla vikuna á Skjálfanda, þar af voru fimm skjálftar við áformað iðnaðarsvæði á Bakka. Annars staðar mældist um tugur skjálfta við Krísuvík og tæpur tugur við Mýrdalsjökul og nágrenni. Aðfaranótt þriðjudags mældust þrír skjálftar við Geitlandsjökul.

Suðurland

Á suðurlandi mældust 25 litlir skjálftar, flestir í Ölfusi milli Hveragerðis og Þorlákshafnar og við Nesjavelli. Einn skjálfti mæ¿dist nærri Hellisheiðarvirkjun.

Reykjanesskagi

Stærsti skjálfti vikunnar, 2,7 að stærð, mælidst á Reykjaneshrygg, um 130 km SV af Eldeyjarboða, klukkan 8:36 að morgni 22 maí. Á annan tug smáskjálfta mældist í nágrenni Kleyfarvatns og við Fagradalsfjall.

Norðurland

Tæplega 40 jarðskjálftar mældust austan Grímseyjar þar sem kröftug hrina hófst í byrjun apríl. Stærstu skjálftarnir voru nærri tveimur að stærð. Tveir tugir skjálfta mældust á Húsavíkur-Flateyjar misgenginu, þar af 9 í Eyjafjarðarál þar sem mikil virkni var s.l. haust, þrír á vestanverðum Skjálfanda og fjórir við áformað iðnaðarsvæði á Bakka. Tugur skjálfta mældist í mynni Sjálfanda, skammt fyrir norðan Húsavíkur-Flayteyjar misgengið.

Hálendið

Aðfaranótt þriðjudags mældust þrír skjálftar við Geitlandsjökul. Fimm skjálftar mældust undir Vatnajökli, tveir vestan við Þórisvatn og tveir í Öskju. Aðfaranótt þriðjudags mældist grunnur skjálfti á óvenjulegum stað austan í Kerlingardyngu í Ódáðahrauni.

Mýrdalsjökull

Undir Goðalandsjökli mældust fimm skjálftar og þrír undir Kötlu. Einn þeirra var á um það bil 30 km dýpi nærri Entu.

Einar Kjartansson