	Veðurstofa Íslands Jarðeðlissvið

Jarðskjálftar 20130701 - 20130707, vika 27

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 130 jarðskjálftar voru staðsettir með SIL mælakerfi Veðurstofunnar í vikunni. Flestir (um 27%) mældust í Tjörnesbrotabeltinu. Skjálftarnir sem mældust á landinu og umhverfis það voru af stærðinni M_l -1,1 til 2,2. Alls mældust þrettán jarðskjálftar af stærð um eða yfir 1,5. Sá stærsti varð kl. 17:43 þann 2. júlí með upptök um 31 km VNV af Kópaskeri.

Suðurland

Á Suðurlandsundirlendinu mældust tíu jarðskjálftar á stærðarbilinu M_l -0,6 til 0,8, flestir með upptök á sprungunum frá 2000 og 2008. Á Hellisheiði mældust sex smáskjálftar.

Reykjanesskagi

Á Reykjanesskaga mældust um sextán jarðskjálftar. Sá stærsti var af stærðinni M_l 2,1 með upptök um 20 km SV af Fuglaskerunum á Reykjaneshrygg.

Norðurland

Í Tjörnesbrotabeltinu mældust 35 jarðskjálftar. Rúmlega átta jarðskjálftar mældust úti fyrir mynni Eyjafjarðar en tólf voru í Öxarfirði. Stærsti jarðskjálftinn var af stærðnni 2,2 kl. 17:43 þann 2. júlí með upptök um 31 km VNV af Kópaskeri.

Hálendið

Í Vatnajökli mældust níu jarðskjálftar – við Bárðarbungu (fjórir), austur af Hamrinum (þrír) og SV af Hábungu (tveir). Skjálftarnir voru af stærðinni M_l 0,9 til 1,5.

Mýrdalsjökull

Í 27. viku mældust yfir 20 jarðskjálftar undir Mýrdalsjökli á stærðarbilinu M_l 0,2 til 1,9. Þar af voru níu jarðskjálftar undir Kötluöskjunni og sjö jarðskjálftar undir vesturhluta jökulsins. Þrír þessara skjálfta urðu við Hafursárjökul.

Matthew J. Roberts

8. júlí 2013