	Veðurstofa Íslands Jarðeðlissvið

Jarðskjálftar 20130715 - 20130721, vika 29

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Lítil jarðskjálftavirkni var í vikunni, alls voru staðsettir 185 jarðskjálftar, flestir mjög litlir, enda var hægviðri mest alla vikuna. Undir Arnardalsöldu, austan Herðubreiðar, mældust 16 jarðskjálftar, sá stærsti 2,0 að stærð.

Suðurland

Á Suðulandi mældust 45 jarðskjálftar, flestir mjög litlir. Sá stærsti var á laugardag, um 4 km SV af Hrómundartindi, 1,5 að stærð. Á sömu slóðum mældust sjö aðrir smáskjálftar. Við Húsmúla mældust 5 skjálftar, allir undir núll að stærð. All margir smáskjáftar urðu við upptök Suðurlandsskjálftanna 21. júní 2000 suður af Hestfjalli og 29, maí 2008 suður af Hveragerði.

Reykjanesskagi

Á Reykjaneshrygg mældust þrír jarðskjálftar og sjö við Kleyfarvatn.

Norðurland

Í byrjun vikunnar var hrina jarðskjálfta á Kolbeinseyjarhrygg, austur af Scoresbysundi. Alls voru staðsettir 16 skjálftar í þessari hrinu, sá stærsti var 3.7 að stærð. Tveir skjálftar mældust við Leirhnjúk í Kröflu og einn við Reykjahlíð. Á Tjörnesbortabeltinu mældust 37 jarðskjálftar, flestir í Öxarfirði.

Hálendið

Undir Arnardalsöldu, austan Herðubreiðar mældust 16 jarskjálftar, sá stærsti 2,0 að stærð. Nokkrir smáskjálftar mældust vestan við Herðubreið og nærri Víti í Öskju. Einn jarðskálfti, 2,0 að stærð mældist SV við Eiríksjökul.

Virkni undir Vatnajökli var með minnsta móti, aðeins mældust tveir skjálftar við Hamarinn, einn undir Bárðarbungu og einn skammt vestan við Pálsfjall. Þetta er þrátt fyrir að þrjár nýjar stöðvar hafi bæst við undir sunnanverðum Vatnajökli og að veður hafi verið hagstætt.

Mýrdalsjökull

Við Torfajökul mældust fimm jarðskálftar, stærsti jarðskjálftinn sem mældist á landinu í vikunni varð klukkan 16:30 á miðvkudag, rétt við Torfajökul, 2,8 að stærð. Rúmlega 30 jarðskjálftar mældust undir Mýrdalsjöklui, þar af um helmingur undir Kötluöskjunni. Einn skjálfti mældist við ströndina, fjóra km vestur af Vík.

Einar Kjartansson