	Veðurstofa Íslands Jarðeðlissvið

Jarðskjálftar 20130812 - 20130818, vika 33

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 370 jarðskjálftar voru staðsettir með SIL mælakerfi Veðurstofu Íslands í vikunni. Stærsti skjálfti vikunnar mældist um 15 km suðvestur af Geirfugladrangi og var hann 3,0 að stærð. Rúmlega 70 smáskjálftar áttu upptök undir Mýrdalsjökli, flestir í nágrenni Goðalands og Hafursárjökuls, og um 20 inni í Kötluöskjunni.

Reykjanesskagi

Jarðskjálftahrina var suðvestan Geirfugladrangs að morgni 13. ágúst. Rúmlega 70 skjálftar voru staðsettir þar, sá stærsti kl. 07:05 og var hann 3,0 að stærð. Frekar rólegt var á Reykjanesskaga, tæplega 15 smáskjálftar mældust á þekktum sprungum og jarðhitasvæðum. Þar af áttu flestir upptök á Bláfjallasvæðinu og í kringum Kleifarvatn, allir innan við tvö stig.

Suðurland

Smáhrina var norðan Húsmúla eftir miðnætti þann 12. ágúst. Þar mældust 11 skjálftar, allir minni en 1,5 stig. Um 20 jarðskjálftar voru staðsettir í Ölfusi og nokkrir í Þrengslum og undir Hengli. Smávirkni var á Suðurlandsundirlendinu, nokkrir skjálftar mældust á þekktum jarðskjálftasprungum milli Ölfuss og Selsunds.

Mýrdalsjökull

Um 50 jarðskjálftar mældust undir Goðabungu og Hafursárjökli í vikunni og um 20 áttu upptök inni í Kötluöskjunni. Stærsti skjálftinn á Mýrdalsjökulssvæðinu var 2,7 að stærð þann 15. ágúst kl. 15:58 undir Goðabungu og stærsti skjálftinn í öskjunni mældist 2,3 stig þann 16. ágúst kl. 18:44.

Hálendið

Um 20 jarðskjálftar mældust undir Vatnajökli, þar af um 15 í nágrenni Hamarsins og Bárðarbungu. Allir voru þeir innan við 2,3 að stærð. Um helgina mældust nokkrir smáskjálftar á Kverkfjallasvæðinu, sem voru hugsanlega í tengslum við hlaupið úr Gengisigi. Rúmlega 20 skjálftar mældust í kringum Herðubreið og um 15 í nágrenni Öskju. Þrír skjálftar, um 1,5 að stærð, voru staðsettir milli Langjökuls og Húnafjarðar.

Norðurland

Tæplega 90 jarðskjálftar áttu upptök á Norðurlandi, flestir eða um 70%, á þekktum jarðskjálftasvæðum á Grímseyjarbeltinu. Smávirkni var í Eyjafjarðarál og kringum Flatey. Nokkrir smáskjálftar mældust við Þeistareyki og Kröflu. Enginn skjálfti náði þremur stigum.

Martin Hensch